Իրավական13:53, 06 Դեկտեմբեր 2017
Ընդդիմադիր կուսակցապետի դեմ հետաքննություն է սկսվել՝ Էրդողանին վիրավորելու մեղադրանքով
Անկարայի գլխավոր հանրապետական դատախազությունը հետաքննություն է սկսել Թուրքիայի գլխավոր ընդդիմադիր «Ժողովրդահանրապետական» կուսակցության (ԺՀԿ-CHP) առաջնորդ Քեմալ Քըլըչդարօղլուի դեմ: Թուրքական «Hürriyet» թերթի կայքի տեղեկացմամբ՝ Քըլըչդարօղլուին մեղադրանք է առաջադրվել «Թուրքիայի նախագահին վիրավորելու» համար:
Երկրի գխավոր ընդդիմադիր ուժի՝ ԺՀԿ-ի առաջնորդի դեմ հայց է ներկայացրել նախագահ Ռեջեփ Թայիփ Էրդողանը: Պատճառը եղել է «Հավասարություն և արդարություն կանանց համար» թեմայով ԺՀԿ հանդիպման ժամանակ Քըլըչդարօղլուի ելույթը:
Էրդողանի փաստաբաններից Հյուսեին Այդընի կողմից դատախազություն ներկայացված հայցի համաձայն՝ ընդդիմադիր կուսակցապետի հայտարարությունները լիովին համընկնում են 2016թ. հեղաշրջման փորձի կազմակերպման մեջ կասկածվող «գյուլենական կառույցի» գաղափարների հետ:
«Հասարակության մեջ համոզմունք է ձևավորվել, որ այս առթիվ արված հայտարարություններն ու վարվող քաղաքականությունը ԺՀԿ-ին պարտադրվել են գյուլենական կառույցի կողմից», - նշել է Այդընը:
Հիշեցնենք, որ վերոնշյալ հանդիպման ժամանակ Քըլըչդարօղլուն մասնավորապես ասել էր. «2017թ. ժողովրդին վերևից նայող, բերանը եկած խոսքերը բարձրաձայնող, հարստության մեջ լողացող և իր հարստության մասին ժողովրդին հաշիվ չներկայացնող մի Ռեջեփ Թայիփ Էրդողան կա: Թող Էրդողանը նաև մտածի, որ այս երկրում խաղաղություն չի թողել: Երբ նա խոսում է, 80 միլիոն մարդ արդեն լարվում է»:
Ընդդիմադիր կուսակցապետի այս խոսքերը, որպես հանցակազմ պարունակող հայտարարություն, կցվել են նրա դեմ ներկայացված հայցին:
Հավելենք նաև, որ 2017թ. դեկտեմբերի սկզբին Էրդողանի հարազատները ևս հայց էին ներկայացրել Քըլըչդարօղլուի դեմ, ով մեղադրել էր նրանց՝ երկրից խոշոր գումարներ դուրս բերելու մեջ: Էրդողանի հարազատները ԺՀԿ առաջնորդից 1 մլն 500 հազար թուրքական լիրա էին պահանջել՝ որպես բարոյական վնասի փոխհատուցում:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |