Թուրքիայում 11 ամսում արդյունաբերական վթարներից զոհվել է 1851 աշխատավոր

Հասարակական10:17, 06 Դեկտեմբեր 2017

Թուրքիայում 11 ամսում արդյունաբերական վթարներից զոհվել է 1851 աշխատավոր

Լրատվամիջոցների ուսումնասիրության և մեդիա վերլուծությունների «PRNet» գործակալությունը ուսումնասիրել է Թուրքիայում արդյունաբերական վթարների և մահվան ելքով պատահարների վիճակագրությունը:

Թուրքալեզու «ABHaber» լրատվակայքի տեղեկացմամբ՝ ուսումնասիրությունը ցույց է տվել, որ 2017թ. 11 ամիսների ընթացքում արդյունաբերական պատահարների հետևանքով Թուրքիայում զոհվել է առնվազն 1.851 մարդ: Այդ ցուցանիշով Թուրքիան Եվրոպայում զբաղեցնում է առաջին, իսկ ողջ աշխարհում՝ երրորդ հորիզոնականը:

Թուրքիայի Աշխատավորների առողջապահության և աշխատանքի անվտանգության խորհրդի տվյալները վկայում են, որ 2017թ. նոյեմբերին արդյունաբերական վթարներով պայմանավորված ամենաշատ մահերը գրանցվել են Ստամբուլի նահանգում (23 դեպք): Երկրորդ տեղում Բուրսան է (մահվան ելքով 11 պատահար), երրորդում՝ Քոնյան (9), ապա՝ Անթալիան (8), Գազիանթեպը (7), Իզմիրը (6):

«PRNet»-ի և «Ajans.Press»-ի համատեղ վերլուծության համաձայն՝ 2017թ. 11 ամիսների ընթացքում արդյունաբերական վթարների մասին թուրքական մամուլում 8.962 լուր է հրապարակվել, իսկ աշխատանքի անվտանգության և աշխատավորների առողջապահության թեմաներին անդրադարձ է կատարվել 23.171 անգամ:

Արձանագրվել է, որ ամեն տարի արդյունաբերական վթարների պատճառով ողջ աշխարհում զոհվում է 2.3 մլն աշխատավոր, տեղի են ունենում շուրջ 300 մլն արդյունաբերական վթարներ: Նման պատահարների զոհերի թվում որպես կանոն գերակշռում են տղամարդիկ:

Հայտնի է դարձել նաև, որ նոյեմբերին ամենից շատ մահվան ելքով արդյունաբերական վթարներ են տեղի ունեցել գյուղատնտեսության և անտառտնտեսության ոլորտում: Ըստ այս չափանիշի՝ երկրորդ տեղում շինարարության, երրորդում՝ բեռնափոխադրումների ոլորտն է:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։