Թուրքիայի ընթացիկ հաշվի պակասորդը ավելացել է 2 մլրդ 191 մլն դոլարով

Տնտեսական13:40, 11 Դեկտեմբեր 2017

Թուրքիայի ընթացիկ հաշվի պակասորդը ավելացել է 2 մլրդ 191 մլն դոլարով

Թուրքիայի Կենտրոնական բանկի հրապարակած տվյալների համաձայն՝ 2017թ. հոկտեմբերին ընթացիկ հաշվի պակասորդը նախորդ տարվա համեմատ աճել է 2 մլրդ 191 մլն դոլարով՝ կազմելով 3 մլրդ 827 մլն դոլար:

«Sputnik» -ի թուրքական ծառայության համաձայն՝ 2017թ. հունվար -հոկտեմբեր ժամանակահատվածում ընթացիկ հաշվի պակասորդը կազմել է 35.3 մլրդ դոլար: Իսկ վերջին 12 ամսվա կտրվածքով այդ ցուցանիշը կազմել է 41 մլրդ 904 մլն դոլար:

Հոկտեմբերի դրությամբ արտաքին առևտրային հաշվեկշռի պակասորդը նախորդ տարվա նույն ամսվա համեմատ ավելացել է 2.796 մլն դոլարով՝ կազմելով 5.559 մլն դոլար: Իսկ առաջնային եկամտի հաշվեկշռի պակասորդը աճել է 293 մլն դոլարով՝ հասնելով 1.073 մլն դոլարի:

Զբոսաշրջության ոլորտում զուտ եկամուտները նախորդ տարվա համեմատ աճել են 503 մլն դոլարով՝ կազմելով 2.189 մլն դոլար:

Անմիջական ներդրումներով պայմանավորված զուտ դրամական մուտքերը 2016թ. հոտեմբերի համեմատ նվազել են 54 մլն դոլարով՝ հասնելով 614 մլն դոլարի:

Թուրքական բանկերի՝ արտասահմանյան բանկերում ունեցած դրամական միջոցներն ու ավանդները ավելացել են 937 մլն դոլարով, իսկ Թուրքիայում արտասահմանյան բանկերին պատկանող ավանդները նվազել են 395 մլն դոլարով:

Աղբյուր` Ermenihaber.am