Թուրքիայում գաղտնի կրոնական ամուսնությունների կայք է գործարկվել

Հասարակական09:32, 11 Դեկտեմբեր 2017

Թուրքիայում գաղտնի կրոնական ամուսնությունների կայք է գործարկվել

Թուրքիայում բացվել է նոր կայք՝ կրոնական ամուսնության նպատակով կյանքի ընկեր փնտրողների համար: Թուրքական «Milliyet» թերթի կայքի տեղեկացմամբ՝ նմանատիպ կայքեր գոյություն ունեն նաև Անգլիայում և Ինդոնեզիայում:

Կայքի բացման մասին հայտարարվել է սոցիալական ցանցերում: Այստեղ օգտատերերը թաքցնում են իրենց իրական ինքնությունը, իսկ ծանոթությունների ժամանակ միմյանց ներկայացվող պահանջներից ամենակարևորը գաղտնիության պահպանումն է:

Հայտարարության մեջ մասնավորապես ասված է, որ կայքի հիմնադրման նպատակը միայնակ կամ երկրորդ ամուսնություն ցանկացող անձանց օգնելն է. «Կրկնակի ամուսնության ինստիտուտը աղքատության, միայնակության և մարմնավաճառության դեմ պայքարի լավագույն միջոցն է: Մեր նպատակն է միավորել այս նպատակին հետևող անձանց»: Կայքի հիմնադիրների ինքնությունն, այնուամենայնիվ, անհայտ է:

Կայքը գործարկվել է ընդամենը 4 օր առաջ, այն անվճար է և աչքի է ընկնում կեղծ տեղեկություններ պարունակող պրոֆիլների առատությամբ: Այստեղ օգտատերերը փնտրում են երկրորդ կին կամ ամուսին, ում հետ կարող են գաղտնի կրոնական ամուսնություն կնքել՝ առանց իրենց առաջին ընտանիքը վտանգելու:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։