Թուրքիայում միայն կանանց համար նախատեսված ավտոբուսներ են երթուղի դուրս եկել

Հասարակական08:21, 20 Դեկտեմբեր 2017

Թուրքիայում միայն կանանց համար նախատեսված ավտոբուսներ են երթուղի դուրս եկել

Թուրքիայի Մարաշի քաղաքապետարանը կանանց համար հատուկ ավտոբուսներ է գործարկել: Թուրքական «demokrathaber.org» լրատվակայքի տեղեկացմամբ՝ իշխող «Արդարություն և զարգացում» կուսակցության (ԱԶԿ-AKP) կողմից ավելի վաղ նման նախաձեռնություն էր իրականացվել նաև Մալաթիայում:

ԱԶԿ-ական քաղաքապետ Ֆաթիհ Մեհմեթ Էրքոչի հրահանգով իրականացվող նախաձեռնության շրջանակներում ներկայումս գործարկվել են հատուկ կանանց համար նախատեսված 13 և 22 համարը կրող երթուղիները: Այդ ավտոբուսների՝ օրվա ընթացքում վերջին մեկնարկը երեկոյան 19:00-ին է:

Հավելենք, որ նախկինում Բուրսայի մետրոյում «հատուկ կանանց համար» վագոններ էին գործարկվել: Այդ նախաձեռնությունը բուռն քննադատության էր արժանացել, ինչից հետո պատասխանատու պաշտոնյաները հայտարարել էին, որ վագոնները բացառապես կանանց համար չեն. դրանցում կանանց առաջնահերթություն կտրվի, բայց անհրաժեշտության դեպքում այդ վագոններում կարող են երթևեկել նար տղամարդիկ:

Բոլոր այս նախաձեռնությունները կանանց շրջանում բացասական են գնահատվել՝ որակվելով որպես սեռական խտրականություն: Կին ուղևորները նշել են, որ նման միջոցառումներով հնարավոր չէ պայքարել կանանց նկատմամբ սեռական ոտնձգությունների և բռնության դեմ:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։