Հասարակական13:21, 25 Դեկտեմբեր 2017
Նորաստեղծ «İyi Parti» կուսակցությունը ընտրությունների դեպքում կարող է անցնել Թուրքիայի խորհրդարան
Եթե այս կիրակի Թուրքիայում խորհրդարանական ընտրություններ անցկացվեին, ապա խորհրդարան կմտներ 3 կուսակցություն. իշխող «Արդարություն և զարգացում» կուսակցությունը (ԱԶԿ-AKP), ընդդիմադիր «Ժողովրդահանրապետական» կուսակցությունը (ԺՀԿ-CHP) և նորաստեղծ «İyi Parti» կուսակցությունը:
«Sputnik»-ի թուրքական ծառայության համաձայն՝ այս մասին հայտնի է դարձել Ստամբուլի տնտեսական հետազոտությունների կենտրոնի անցկացրած սոցհարցումների արդյունքում:
Թուրքիայի 12 նահանգում 1543 քաղաքացու հետ անցկացված հարցումների համաձայն՝ ընտրողների շրջանում մեծ չափով աճել է որոշակի նախապատվություն չունեցողների թիվը: Դրա հետևանքով հատկապես նվազել է իշխող ԱԶԿ-ի, ընդդիմադիր ԺՀԿ-ի և «Ազգայնական շարժում» կուսակցության (ԱՇԿ-MHP) կողմնակիցների թիվը:
Ամեն ամիս նմանատիպ հարցումներ անցկացնող Ստամբուլի տնտեսական հետազոտությունների կենտրոնը նաև արձանագրել է, որ «İyi Parti» կուսակցությունը ստեղծման օրից հարցումների արդյունքներով միշտ հաղթահարել է նվազագույն շեմը: Մինչդեռ մյուս կուսակցությունների կողմնակիցների թիվը նկատելիորեն նվազել է:
«İYİ Parti» քաղաքական կուսակցությունը հիմնվել է 2017թ. հոկտեմբերի 25-ին՝ թուրք պատմաբան և քաղաքական գործիչ Մերալ Աքշեների կողմից: Աքշեներն ու նրա կողմանկիցները ԱՇԿ-ի նախկին անդամներ են, ովքեր կուսակցությունից հեռացան 2015թ. նոյեմբերի խորհրդարանական ընտրություններից հետո՝ չհամաձայնելով Դևլեթ Բահչելիի վարած քաղաքականության հետ:
«Hürriyet»-ում տեղ գտած մի հրապարակման համաձայն՝ կուսակցության անվանումը ծագում է օղուզական ցեղերից մեկը՝ կայը ցեղը խորհրդանշող սիմվոլից՝ IVI : Կուսակցության հիմնումից հետո հայտնի դարձավ, որ նրա համահիմնադիրների երկուսը՝ Էլմաս Կիրակոսը և Թայլան Յըլդըզը, ծագումով հայեր են:
Այս ենթաբաժնի վերջին նորությունները
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրակարգում են եղել երկկողմ, տարածաշրջանային և համաշխարհային նշանակության հարցեր։
Վաշինգտոնը շարունակում է ճնշում գործադրել Թուրքիայի վրա, որպեսզի Անկարան Ռուսաստանին չօգնի շրջանցել սահմանված պատժամիջոցները:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
«Թուրքիայի արտահանողների միության» նախագահի պաշտոնակատար Ահմեդ Գյուլեչն անդրադարձել է Թուրքիայի կողմից ԱՄՆ-ում կատարված ներդրումներին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |