Հասարակական11:04, 10 Հունվար 2018
Սոցհարցում. Թուրքիայի քաղաքացիների 47%-ը Էրդողանին տեսնում է նախագահի պաշտոնում
Թուրքիայում «Կոնսենսուս» հետազոտական կենտրոնը հարցում է անցկացրել պարզելու, թե 2019 թվականի խորհրդարանական և նախագահական ընտրություններից առաջ որ կուսակցություններն ու քաղաքական գործիչներն են վայելում հասարակության վստահությունը:
Այս մասին տեղեկացնում է Թուրքական «Demokrathaber» լրատվական կայքը: Համաձայն ստացված տվյալների՝ հարցման մասնակիցներից 44.9 տոկոսը նշել է, որ խորհրդարանական ընտրության դեպքում կքվեարկի իշխող «Արդարություն և զարգացում կուսակցության» (AKP-ԱԶԿ) օգտին: Գլխավոր ընդդիմադիր «Ժողովրդահանրապետական» կուսակցությանը (CHP-ԺՀԿ) կողմ է արտահայտվել 23.7 տոկոսը, «Գորշ գայլեր» ահաբեկչական կազմակերպության քաղաքական թևը համարվող «Ազգայնական շարժում կուսակցությանը» (MHP-ԱՇԿ)՝ 10.6 տոկոսը, քրդամետ «Ժողովուրդների դեմոկրատական կուսակցությանը» (HDP-ԺԴԿ)՝ 9.1, նոր ստեղծված ազգայնական «Լավ կուսակցությանը»՝ 2.7 տոկոսը: 2.2 տոկոսը չի պատասխանել, 2 տոկոսը դեռ չի կողմնորոշվել:
Նախագահի նախընտրելի թեկնածուների վերաբերյալ հարցին մասնակիցների ձայները հետևյալ կերպ են բաշխվել.
Գործող նախագահ Ռեջեփ Թայիփ Էրդողանին կողմ է 47%-ը, դեմ՝ 43%-ը, անտարբեր՝ 10%-ը, ԺՀԿ նախագահ Քեմալ Քըլըչդարօղլուին կողմ է 27%-ը, դեմ՝ 59%-ը, անտարբեր 14%-ը:ԱՇԿ-ի առաջնորդ Դևլեթ Բահչելիի թեկնածությանը դեմ է 66%-ը, «Լավ կուսակցության» նախագահ Մերալ Աքշեներին դեմ է 69%-ը, ԺԴԿ նախագահ Սելահաթթին Դեմիրթաշին 79%-ը:
Հիշեցնենք, որ 2019 թվականի նոյեմբերի 23-ին Թուրքիայում անցկացվելու են խորհրդարանական և նախագահական ընտրություններ:
Այս ենթաբաժնի վերջին նորությունները
Այս սերնդին հաճախ անվանում են նաև «ցանցային սերունդ», «iPhone սերունդ» կամ «հետհազարամյակի սերունդ»:
Թուրքիայի վիճակագրկան կոմիտեն (TÜİK)-ը հրապարակել է Թուրքիայի անուրախ քաղաքների ցանկը։
Ալի Յերլիքայան նկատել է տվել, որ նախորդ երկու շաբաթվա համեմատ սիրիացիների վերադարձի թիվը աճել է 7 անգամ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ ուշադրությամբ է հետևում Հայաստան-Ադրբեջան կարգավորման գործընթացի զարգացումներին։
Այս մասին հեռուստաեթերից հայտնել է «Taksim Meydanı»-ի հաղորդավար Սինան Բուրհանը։
Սիրիայում Թուրքիայի ազդեցությունն աճել է՝ նվազեցնելով Իրանի և Ռուսաստանի դերը:
Բերբոք. «Իհարկե, Թուրքիայի ունի օրինական անվտանգային շահեր: Սակայն դա չի կարող ևս մեկ անգամ կիրառվել քրդերին աքսորելու և կամ նրանց նկատմամբ բռնություն գործադրելու համար»։
Թուրքիայի էներգետիկայի և բնական պաշարների նախարարը հայտնել է, որ էներգետիկ ենթակառուցվածքներում ուսումնասիրություններ անելու նպատակով առաջիկայում կմեկնի Սիրիա:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |