Իրավական11:20, 10 Հունվար 2018
Գերմանիայում չեղարկվել է թուրք դատապարտյալին Թուրքիա արտաքսելու դատական վճիռը
Գերմանիայի Կառլսռուհե քաղաքի դաշնային սահմանադրական դատարանը անվտանգության նկատառումներով չեղարկել է թուրք դատապարտյալին արտաքսելու որոշումը։ Թուրքական ընդդիմադիր «T24» լրատվակայքի տեղեկացմամբ՝ որոշումը հիմնավորվել է այն հանգամանքով, որ Թուրքիա արտաքսվելու դեպքում քաղաքացին կարող է բանտարկվել անմարդկային պայմաններում կամ բռնությունների ենթարկվել։ Ենթադրվում է, որ այս որոշումը կարող է նախադեպ հանդիսանալ այլ նմանատիպ դեպքերի համար։
Դատարանի որոշման համաձայն՝ լուրջ հիմքեր կան ենթադրելու, որ տվյալ անձը Թուրքիայում կարող է կտտանքների ենթարկվել, իսկ իրավիճակը վերահսկելու բավարար միջոցներ չկան։ Նշվել է նաև, որ Թուրքիա արտաքսելու դեպքում պետք է բավարար երաշխիքներ ձեռք բերվեն առ այն, որ քաղաքացու նկատմամբ Թուրքիայում իրավական պետության կանոններին համապատասխան վերաբերմունք կցուցաբերվի։
Գերմանիայում ծնված և մեծացած ծագումով թուրք ծայրահեղական իսլամիստը, ում վերաբերյալ կայացվել է որոշումը, 2015թ․ Բեռլինում անցկացված դատավարության արդյունքում դատապարտվել էր 3․5 տարվա ազատազրկման։
Դատարանը արձանագրել էր, որ նա կապի մեջ է եղել սելեֆիական շրջանակների հետ, անգամ ֆինանսական աջակցություն է ցուցաբերել «Յունուդ ալ Շամ» (Սիրիայի զինվորներ) անունը կրող ահաբեկչական խմբավորմանը։ Այդ իսկ պատճառով նրան Թուրքիա արտաքսելու որոշում էր կայացվել։
Դատապարտյալը բողոքարկել էր դատարանի վճիռը՝ որպես հիմնավորում ներկայացնելով «Amnesty International» իրավապաշտպան կազմակերպության զեկույցներն առ այն, որ Թուրքիայի բանտերում ահաբեկչության մեջ մեղադրվողների նկատմամբ դաժան վերաբերմունք է ցուցաբերվում։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |