Թուրքիայի հասարակությունը երկրի առաջնային խնդիրն է համարում ահաբեկչությունը

Հասարակական08:23, 11 Հունվար 2018

Թուրքիայի հասարակությունը երկրի առաջնային խնդիրն է համարում ահաբեկչությունը

«IPSOS» սոցիալական հետազոտությունների ինստիտուտը «Թուրքիայի բարոմետր 2017» խորագրով զեկույց է հրապարակել։ Թուրքական «Habertürk» լրատվակայքի տեղեկացմամբ՝ զեկույցը կազմվել է 2017թ․ նոյեմբերի 24-ից դեկտեմբերի 13-ն ընկած ժամանակահատվածում անցկացված հարցումների հիման վրա։ Ուսումնասիրությանը մասնակցել են պատահականության սկզբունքով ընտրված 1320 քաղաքացի։

Հետազոտության արդյունքների վստահելիության մակարդակը գնահատվել է 95 տոկոս, սխալի հավանականությունը՝ 2․5 տոկոս։

Զեկույցի համաձայն՝ Թուրքիայի բնակչությունը նախորդ տարիների պես շարունակում է երկրի ամենաառաջնային խնդիր համարել ահաբեկչությունը։ Սակայն, եթե 2016թ․ անցկացված նմանատիպ հարցումների ընթացքում ահաբեկչությունը որպես գլխավոր խնդիր էին նշել հարցվածների 61 տոկոսը, ապա 2017թ․ այդ ցուցանիշը կտրուկ նվազել է՝ հասնելով 35 տոկոսի։

Հարցվածների 23 տոկոսը կարևորել է տնտեսական խնդիրները, նախորդ երեք տարիների համեմատ ամենաբարձր մակարդակի հասած այս ցուցանիշը 2016թ․ համեմատ ավելացել է 8 տոկոսով։ Մասնակիցների 12 տոկոսը առաջնային է համարել կրթության հետ կապված խնդիրները Թուրքիայում։ Նշենք, որ 2015-2016 թթ․ այս ոլորտի խնդիրներին առաջնայնություն էր տվել հարցվածների միայն 5 տոկոսը։

Հետազոտության մասնակիցների 2 տոկոսը կարևորել է քրդական հարցը։ Այս ցուցանիշը ամենացածրն է վերջին 3 տարիների ընթացքում։

Երկրի ընդհանուր վիճակից գոհ քաղաքացիների թիվը նկատելիորեն ավելացել է։ Եթե 2016թ․ հարցվածների 25 տոկոսն էր նշել, որ գոհ է երկրի վիճակից, ապա 2017թ․ հարցումների ընթացքում այդ թիվը հասել է 38 տոկոսի։ Իսկ մասնակիցների 27 տոկոսը հույս է հայտնել, որ մոտ ապագայում Թուրքիայի վիճակն ավելի լավ կլինի։

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։