Հասարակական13:10, 15 Հունվար 2018
Հրապարակվել են Թուրքիայում ամենից հաճախ ամուսնալուծության հիմք հանդիսացող պատճառները
Թուրքիայի վիճակագրական ընկերությունն (ԹՎԸ-TÜİK) ուսումնասիրել է երկրում ընտանիքների կենսակերպն ու արժեհամակարգերը։ Թուրքական «Yurt» թերթի կայքի համաձայն՝ ուսումնասիրությամբ պարզվել են նաև ամենից հաճախ ամուսնալուծության պատճառ հանդիսացող հանգամանքները։
Այսպես, ամուսնալուծությունների 50․9 տոկոսի դեպքում պատճառը ամուսիններից մեկի՝ անպատասխանատու և անտարբեր վերաբերմունքն է ընտանիքի նկատմամբ։ Զույգերի 30․2 տոկոսը ամուսնալուծվում է տնտեսական անապահովության պատճառով, երբ ամուսինը չի կարողանում ընտանիքի գոյատևման համար բավարար գումար վաստակել։
Զույգերի բաժանմանը նպաստող հաջորդ կարևորագույն գործոնը տղամարդու՝ կնոջ հարազատների նկատմամբ ցուցաբերած անհարգալից վերաբերմունքն է։ Այս պատճառն ընկած է ամուսնալուծությունների 24․1 տոկոս դեպքերի հիմքում։ Նմանապես ամուսնալուծությունների 24․6 տոկոսը պայմանավորված է կանանց՝ իրենց ամուսինների ընտանիքների նկատմամբ անհարգալից վերաբերմունքով։
Դեպքերի 22․7 տոկոսի պարագայում ամուսնալուծության համար հիմք է հանդիսացել ամուսինների ընտանիքների՝ ներընտանեկան խնդիրներին միջամտելու հանգամանքը։
Ամուսնալուծությունների առավել հաճախ նշվող պատճառներից են նաև դավաճանությունը (20․4 տոկոս), ծեծն ու վատ վերաբերմունքը (19․5 տոկոս), ամուսիններից մեկի՝ ընտանիքից հեռանալը (14․8 տոկոս), խմիչքի չարաշահումը (13․2 տոկոս), խաղամոլությունը (6․7 տոկոս), երեխաների հանդեպ վատ վերաբերմունքը (5․9 տոկոս), անպտղությունը (3․4 տոկոս), թմրամոլությունը (2․5 տոկոս), ամուսիններից մեկի անբուժելի հիվանդությունը (2 տոկոս)։
Այս ենթաբաժնի վերջին նորությունները
Այս սերնդին հաճախ անվանում են նաև «ցանցային սերունդ», «iPhone սերունդ» կամ «հետհազարամյակի սերունդ»:
Թուրքիայի վիճակագրկան կոմիտեն (TÜİK)-ը հրապարակել է Թուրքիայի անուրախ քաղաքների ցանկը։
Ալի Յերլիքայան նկատել է տվել, որ նախորդ երկու շաբաթվա համեմատ սիրիացիների վերադարձի թիվը աճել է 7 անգամ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ ուշադրությամբ է հետևում Հայաստան-Ադրբեջան կարգավորման գործընթացի զարգացումներին։
Այս մասին հեռուստաեթերից հայտնել է «Taksim Meydanı»-ի հաղորդավար Սինան Բուրհանը։
Սիրիայում Թուրքիայի ազդեցությունն աճել է՝ նվազեցնելով Իրանի և Ռուսաստանի դերը:
Բերբոք. «Իհարկե, Թուրքիայի ունի օրինական անվտանգային շահեր: Սակայն դա չի կարող ևս մեկ անգամ կիրառվել քրդերին աքսորելու և կամ նրանց նկատմամբ բռնություն գործադրելու համար»։
Թուրքիայի էներգետիկայի և բնական պաշարների նախարարը հայտնել է, որ էներգետիկ ենթակառուցվածքներում ուսումնասիրություններ անելու նպատակով առաջիկայում կմեկնի Սիրիա:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |