Իրավական07:08, 17 Հունվար 2018
Wikipedia-ի տնօրենը անդրադարձել է Թուրքիայում առկա արգելքին
Թուրքիայում արդեն 9 ամիս շարունակ անհասանելի է ամենամեծ առցանց հանրագիտարանը՝ «Wikipedia»։ «Wikipedia» հիմնադրամի տնօրեն Կատրին Մաերն այս առիթով հայտարարությամբ է հանդես եկել։
Թուրքական «Habertürk» թերթի կայքի տեղեկացմամբ՝ Մաերը ուշադրություն է հրավիրել այն հանգամանքի վրա, որ Թուրքիայում «Wikipedia»-ի արգելափակման պատճառ հանդիսացող հոդվածներն արդեն փոփոխվել են, սակայն կայքի հասանելիությունը այդպես էլ չի վերականգնվել։
«Թուրքիայի իշխանությունները գուցե դեռ չեն ուսումնասիրել այդ հոդվածների վերջնական տեքստերը։ Մենք չգիտենք, թե ինչու է դեռ շարունակվում հասանելիության արգելքը», - նշել է Մաերը։
Նա ընդգծել է, որ թուրքերեն «Wikipedia»-ում շուրջ 300․000 հոդված կա։ «Հույս ունեմ, որ մեր թուրք օգտատերերը կշարունակեն համալրել բովանդակությունը՝ հոդվածների թիվը հասցնելով միլիոնների։ Ես շատ եմ ցանկանում, որ շատ հարուստ պատմություն և մշակույթ ունեցող Թուրքիան ներկայացված լինի ինտերնետային հանրագիտարանում։
Անհամբերությամբ ենք սպասում, թե երբ պետք է «Wikipedia»-ն, որ տեղեկատվության ամենամեծ աղբյուրներից մեկն է, կրկին հասանելի լինի Թուրքիայում», - ասել է Մաերը։
Նա հավելել է, որ իրենք ակնկալում են առաջիկայում ստանալ Թուրքիայի սահմանադրական դատարանի՝ կայքի հասանելիության արգելքի չեղարկման մասին որոշումը։
Հիշեցնենք, որ Թուրքիայում ամենամեծ առցանց հանրագիտարանը արգելափակվել էր 2017թ․ ապրիլի 29-ին։ Պատճառն այն էր, որ «Wikipedia»-ում տեղ էին գտել հոդվածներ, որոնք բացահայտում էին Թուրքիայի իշխանությունների կապը ահաբեկչական կազմակերպությունների հետ, իսկ «Wikipedia»-ն հրաժարվել էր ջնջել կամ փոփոխել այդ հոդվածները։
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |