Թուրքական ռադիոկայանը տուգանվել է Ալիևների հասցեին եթերից հնչած վիրավորական արտահայտության համար

Տարածաշրջան11:08, 26 Հունվար 2018

Թուրքական ռադիոկայանը տուգանվել է Ալիևների հասցեին եթերից հնչած վիրավորական արտահայտության համար

Թուրքիայի Ռադիոյի և հեռուստատեսության բարձրագույն խորհուրդը խիստ պատժամիջոցներ է կիրառել թուրքական «Show Radyo» ռադիոկայանի նկատմամբ՝ եթերում Ադրբեջանի նախագահ Իլհամ Ալիևի և նրա կնոջ վերաբերյալ վիրավորական արտահայտություններ հնչելու համար:

Ըստ թուրքական «Diken.com.tr» լրատվական կայքի՝ խորհրդի հունվարի 25-ի նիստում որոշում է կայացվել եկամուտի 5 տոկոսով տուգանել ռադիոկայանին, ինչպես նաև ռադիոկայանի վրա պարտավորություն է դրվել 5 անգամ դադարեցնել հաղորդման եթերը, որի ընթացքում հնչել են վիրավորական արտահայտությունները:

Աղբյուրը տեղեկացնում է, որ եկամտի 5 տոկոսի չափով տուգանքը Թուրքիայում ռադիոկայանների նկատմամբ կիրառվող ամենախիստ նյութական պատիժն է:

Նշվում է, որ 1 տարվա ընթացքում ևս մեկ անգամ ռադիոկայանի եթերից վիրավորանքներ հնչելու դեպքում, 10 օրով կկկասեցվի դրա եթերը, 3-րդ անգամ կրկնվելու դեպքում ռադիոկայանը կզրկվի հեռարձակման լիցենզիայից:

Հիշեցնենք, որ ավելի վաղ էլ Ադրբեջանում դադարեցրել էին թուրքական «FOX Tv» հեռուստաընկերության հեռարձակումը: Դրա պատճառն էլ դարձել էր այն, որ հեռուստաընկերության լրատվական ծրագրի հաղորդավարը ծաղրանքով էր հայտնել Ադրբեջանի առաջին տիկին Մեհրիբան Ալիևայի՝ երկրի փոխնախագահի պաշտոնում նշանակվելու լուրը:

Աղբյուր` Ermenihaber.am

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն:

13:58, 25 մարտ

Իրանի արտգործնախարար. «Թուրքիայում տեղի ունեցողն ամբողջությամբ այդ երկրի ներքին գործն է»

Աբբաս Արաղչին հեռախոսազրույց է ունեցել Հաքան Ֆիդանի հետ։ Կողմերն անդրադարձել են Թուրքիայի ներքաղաքական իրավիճակին։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիան, Ադրբեջանը, Վրաստանը և Բուլղարիան պատմական համաձայնագիր են ստորագրել

Համաձայնագրով արևային, քամու և այլ վերականգնվող էներգիայի աղբյուրներից արտադրված էլեկտրաէներգիան Ադրբեջան-Վրաստան-Թուրքիա-Բուլղարիա երթուղիով կհասնի Եվրոպա։