Տարածաշրջան10:05, 29 Հունվար 2018
Աֆրինի ռազմական օպերացիա. պաշտոնական և ոչ պաշտոնական թվեր
Անգլիայում գործող «Սիրիայի մարդու իրավունքների աստղադիտարան» իրավապաշտպան կազմակերպության տվյալների համաձայն՝ Աֆրինում ռազմական գործողությունների 9 օրվա ընթացքում զոհվել է 42 արաբ, հայ և քուրդ։ Թուրքիայում լույս տեսնող հայկական «Ակոս» թերթի կայքի տեղեկացմամբ՝ նրանցից 12-ը երեխաներ են, 7-ը քաղաքացիական կանայք։
«Ձիթենու ճյուղ» ռազմագործողության շրջանակներում «Սիրիայի դեմոկրատական ուժեր»-ն (SDG), «Ժողովրդական ինքնապաշտպանական ուժերը» (YPG) մարտնչում են Թուրքիայի զինված ուժերի ու «Սիրիայի ազատ բանակ» խմբավորման զինյալների դեմ: Բազմաթիվ կորուստներ կան։ Հունվարի 27-ի դրությամբ YPG-ի և թուրքական ուժերի կորուստները ընդհանուր 72-ն էին։ Ընդ որում 4 թուրք զինվորի դի գտնվում է քրդական ուժերի ձեռքում։
Աղբյուրի համաձայն՝ Թուրքիան ռմբակոծել է Աֆրինի հարակից Քալժիբա, Մարիամին գյուղերն ու Մաաբալի ավանը, ինչի հետևանքով թե ռազմական ուժերում, թե քաղաքացիական բնակչության շրջանում մեծ կորուստներ են եղել, զոհերի թիվը դեռ կարող աճել՝ ծանր վիրավորների մահման դեպքում։
Հունվարի 21-26-ի ընթացքում Աֆրինի հիվանդանոց ընդունված վիրավորներից մահացել են 34 քաղաքացիական անձինք, որոնցից 10-ը երեխաներ են, 7-ը՝ կանայք։
Թուրքիայի նախագահ Ռեջեփ Թայիփ Էրդողանի կողմից հունվարի 28-ին արված հայտարարության համաձայն՝ թուրքական կողմն ու իր դաշնակիցները ունեն 20 զոհ, որոնցից 7-ը Թուրքիայի զինված ուժերից են, մյուսները՝ «Սիրիայի ազատ բանակ» խմբավորումից։ Միևնույն ժամանակ Էրդողանը նշել է, որ Աֆրինում իրենց հակառակորդի կորուստների թիվը հասել է 484-ի։ Իսկ հունվարի 29-ին Թուրքիայի զինուժի կողմից կատարված վերջին հայտարարության համաձայն՝ գործողության սկզբից մինչ օրս քրդական ուժերը ընդհանուր առմամբ 597 զոհ են տվել։
Միաժամանակ բանակի ղեկավարության կողմից ավելի վաղ կատարված հայտարարություններով հաստատվել է թուրքական կողմից 5 զոհ և 11 վիրավոր ունենալու հանգամանքը։
Այս ենթաբաժնի վերջին նորությունները
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Թուրքական թերթը գրում է, որ Թուրքիայում ահաբեկչական ճանաչված «Քուրդիստանի բանվորական կուսակցությունը» առաջիկայում ինքնալուծարվելու է:
Կողմերը քննարկել են Օմանում կայացած ԱՄՆ-Իրան բանակցությունները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Մեր ջրի աղբյուրների արդյունավետ օգտագործումն ու ճիշտ կառավարումը ոչ թե ընտրություն է, այլև ազգային անվտանգության խնդիր»։
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Թուրքական թերթը գրում է, որ Թուրքիայում ահաբեկչական ճանաչված «Քուրդիստանի բանվորական կուսակցությունը» առաջիկայում ինքնալուծարվելու է:
Ողջ Եվրոպայում կապույտ քարտ ունեցող ոչ ԵՄ քաղաքացիներից 547․790-ը բնակվում է Գերմանիայում։ Նրանցից 18․000-ը կրկին դիմել է Թուրքիայի քաղաքացիություն ստանալու համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |