Քաղաքական11:41, 02 Փետրվար 2018
Բունդեսթագը դատապարտում է Թուրքիայի գործողությունները Սիրիայում
Գերմանիայի խորհրդարանի (Բունթեսթագ) հերթական նիստերից մեկում քննարկվել է Թուրքիայի կողմից Սիրիայում իրականացվող «Ձիթենու ճյուղ» ռազմական գործողությունը:
Թուրքական «Ensonhaber» լրատվամիջոցի համաձայն՝ Գերմանիայի «Քրիստոնյա-դեմոկրատական միություն» և «Ձախերի» կուսակցությունները համակարծիք են եղել, որ Թուրքիայի կողմից նախաձեռնած գործողությունը «միջազգային օրենքների խախտում է»:
Մասնավորապես «Քրիստոնյա-դեմոկրատական միություն» կուսակցության անդամ Ռոդրիկ Կիսեվետերն ասել է, որ Գերմանիայի կողմից Թուրքիային մատակարարվող գերմանական տանկերի վաճառքի կասեցումը ճիշտ որոշում է եղել:
Նրա խոսքերով՝ Սիրիայում Թուրքիայի այս գործողությունները նախօրոք ծրագրված է եղել:
Իսկ Գերմանիայի «Ձախերի» կուսակցության համանախագահը քննադատել է Գերմանիայի կառավարությանը, որ անհրաժեշտ ճնշում չի գործադրում Թուրքիայի իշխանության վրա:
«Թուրքիայի բանակն Աֆրինում սպանում է խաղաղ բնակչությանը, սակայն կանցլեր Անգելա Մերկելը լռում է: Ձեր լռությունը նշանակում է ծնկի գալ Էրդողանի առջև: Վերջ տվեք այս լռությանը և վերջ դրեք Թուրքիայի հետ ծրագրված բոլոր տեսակի ռազմական համագործակցություններին»,-ասել է Կիպպինգը:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |