Իրավական12:49, 02 Փետրվար 2018
Թուրքիայում ազատազրկված ուսանողների թիվը հասնում է 70․000-ի
Թուրքիայի բանտերում գտնվող ուսանողների թիվը հասել է 69․301–ի (2016թ․ սեպտեմբերի դրությամբ)։ Այս մասին «Deutsche Welle»-ի թուրքական ծառայության համաձայն՝ տեղեկացրել է Թուրքիայի արդարադատության նախարարությունը՝ պատասխանելով ընդդիմադիր պատգամավոր Գամզե Աքքուշ Իլգեզի հարցմանը։
Աղբյուրը ընդգծում է, որ ուսանողների դեմ հարուցված հետաքննությունները կամ դատական գործերը առաջին հերթին ազդում են հենց նրանց ուսանողական կյանքի վրա՝ վերջ տալով կրթության հեռանկարներին։
Ուսանողների փաստաբաններից Հյուսեյին Բողաթեքինը տեղեկացնում է, որ մեծ մասամբ ուսանողները մեղադրվում են զինված ահաբեկչական խմբավորումներին անդամակցելու մեջ, ինչի համար որպես հիմնավորում նշվում է նրանց անդամակցությունը համալսարանի կազմի մեջ մտնող զանազան ուսանողական միություններին։
Ուսանողների դեմ հարուցված դատական գործերում որպես ահաբեկչական խմբավորմանը հարելու ապացույց են նշվել նաև փաստերն այն մասին, որ նրանք մասնակցել են Դիարբեքիրի փաստաբանների պալատի նախագահ Թահիր Էլչիի սպանության կամ Շըրնաքի Ուլուդերե շրջանում տեղի ունեցած կոտորածի հիշատակին կազմակերպված միջոցառումներին։
Որպես հանցակազմ են որակվել նույնիսկ որոշ ուսանողների՝ համալսարանական ճամբարում «քրդական երգերի տակ հայդուկային պարեր պարելու, մատներով հաղթանակի նշան ցույց տալու և կարգախոսներ հնչեցնելու» հանգամանքը։
Փաստաբանն ընդգծում է, որ այդ մեղադրանքների հիման վրա ձերբակալված կամ կալանավորված ուսանողները հնարավորություն չեն ունենում մասնակցելու համալսարանական քննություններին և այդպիսով զրկվում են ուսումը շարունակելու հնարավորությունից։ Մյուս կողմից, երբ որևէ ուսանողի դեմ քրեական հետաքննություն է սկսվում, համալսարաններն իրենք մեխանիկորեն հեռացնում են այդ ուսանողին՝ անկախ գործի հետագա ընթացքից ու դատարանի որոշումից։
2016թ․ նոյեմբերին ուժի մեջ մտած համար 677 KHK-ի (օրենքի ուժ ունեցող որոշում) համաձայն՝ կալանքի տակ գտնվող կամ ազատազրկման դատապարտված այն ուսանողները, ովքեր մեղադրվում են ահաբեկչական խմբավորման հետ կապի մեջ, զրկվում են ողջ երկրում կազմակերպվող որևէ կրթական հաստատությունում կազմակերպվող քննություններին մասնակցելու իրավունքից։
Այսպիսով, ինչպես նշում են թուրք մասնագետները, ոչ միայն դատապարտված ուսանողներն են զրկվում կրթության իրավունքից, այլև նրանք, ում վերաբերյալ դեռ դատական որոշում կայացված չէ․ անտեսվում է նրանց «անմեղության կանխավարկածը»։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |