Հոլանդիան հետ է կանչել Թուրքիայում իր դեսպանին

Քաղաքական14:22, 05 Փետրվար 2018

Հոլանդիան հետ է կանչել Թուրքիայում իր դեսպանին

Հոլանդիայի արտգործնախարարությունը Անկարա վերադառնալու թույլտվությունից զրկված իր դեսպանին պաշտոնապես հետ է կանչել:

Ըստ թուրքական «Hurriyet» թերթի կայքի՝ Նիդերլանդները հրաժարվել է նաև նոր դեսպան նշանակելու Թուրքիայի առաջարկից:

Նիդերլանդների արտգործնախարարության հայտարարության մեջ մասնավորապես ասվում է. «Վերջին շրջանում Թուրքիայի և Հոլանդիայի միջև ընթացել են բանակցություններ տարբեր մակարդակներով, որոնք, սակայն, ներկա փուլում երկկողմ հարաբերությունների կարգավորման որևէ հեռանկար չեն ապահովում: Այդ իսկ պատճառով Նիդերլանդների նախարարների խորհուրդը որոշում է կայացրել հետ կանչել Թուրքիայում Նիդերլանդների դեսպանին, որի մուտքը Թուրքիա արգելանքի տակ էր՝ սկսյալ 2017 թվականի մարտից: Այնքան ժամանակ, քանի դեռ մենք Թուրքիայում դեսպան չունենք, Հոլանդիան թույլ չի տա Թուրքիային իր տարածքում նոր դեսպան նշանակել: Այս տեղեկատվությունը քիչ առաջ փոխանցվել է Հաագայում Թուրքիայի գործերի հավատարմատարին: Սրանով դադար է տրվում Թուրքիայի հետ տարվող բանակցություններին»:

Հիշեցնենք, որ 2017-ի մարտի սկզբին Հոլանդիայում բնակվող թուրք ընտրողների հետ հանդիպման նպատակով այդ երկիր էին մեկնել թուրք նախարարների Մևլութ Չավուշօղլուն և Ֆաթմա Քայան: Սակայն նրանց թույլ չէր տրվել անգամ վայրէջք կատարել երկրի տարածքում: Նախարարների այցի նպատակն էր ապրիլին Թուրքիայում անցկացվաշ սահմանադրական հանրաքվեից առաջ հանդիպել Հոլանդիայում բնակվող թուրք ընտրողների հետ: Ավելի ուշ ցամաքային ճանապարհով Հոլանդիա մուտք գործած Քայան արտաքսվել էր երկրից:

Թուրք պաշտոնյաներին մուտքի թույլտվություն չտրամադրելու պաշտոնական պատճառաբանությունը եղավ այն, որ Հոլանդիայի իշխանությունները չէին ցանկանում թույլ տալ թուրք նախարարներին իրենց երկրում նախընտրական քարոզչություն իրականացնել:

«Մենք չենք կարող թուրք նախարարներին թույլ տալ նախընտրական արշավ վարել Հոլանդիայում, հոլանդացիների շրջանում: Նույնիսկ եթե նրանց զրուցակիցներն ունեն թուրքական անձնագրեր, նրանք միևնույն է նախևառաջ հոլանդացիներ են», - պարզաբանել էր Հոլանդիայի վարչապետ Մարկ Ռյութեն:

Աղբյուր` Ermenihaber.am

Այս ենթաբաժնի վերջին նորությունները

10:11, 26 դեկտ

Էրդողանն Անկարայում ընդունել է Հս․ Կիպրոսի ինքնահռչակ թուրքական հանրապետության նախագահին

Պաշտոնական աղբյուրներում ընդունելության օրակարգի և քննարկված հարցերի վերաբերյալ տեղեկություններ չեն հրապարակվել:

14:04, 25 դեկտ

Ստամբուլի քաղաքապետը դժգոհում է սահմանված նվազագույն աշխատավարձից

Ըստ Իմամօղլուի՝ աշխատավարձն այնքան քիչ է, որ նույնիսկ չի կարող բավարարել Ստամբուլում 1 ամսվա համար բնակարանի վարձավճար տալու համար:

11:15, 25 դեկտ

Թուրքական վերլուծական կենտրոն. «ԱՄՆ-ն աջակցում է Սիրիայում գործող քրդական կուսակցությանը»

«Pros&Cons» անվտանգության և ռիսկերի վերլուծական կենտրոնի տնօրեն, պրոֆեսոր Սերհաթ Էրքմենն անդրադարձել է Սիրիայում տիրող իրավիճակին:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Լարված մթնոլորտ Մանբիչում. Թուրքիայի կողմից նոր ռազմագործողության միտումներ

Սիրիայում Թուրքիայի ազդեցությունն աճել է՝ նվազեցնելով Իրանի և Ռուսաստանի դերը:

Թուրքիան կհամագործակցի Սիրիայի հետ պաշտպանության ոլորտում

Ըստ Թուրքիայի պաշտպանության նախարարության մամուլի և հասարակայնության հետ կապերի խորհրդականի՝ Անկարան աջակցում է սիրիական միասնական բանակի ստեղծմանը և Սիրիայում նոր վարչակազմի գործադրած ջանքերին։