Հասարակական09:12, 08 Փետրվար 2018
Մանրամասներ թուրք նախարարի և հայ համայնքի ներկայացուցիչների հանդիպումից
Ստամբուլի նահանգապետարանը հայ համայնքի հիմնադրամների ղեկավարներին հրավիրել էր հանդիպման նահանգապետի և ներքին գործերի նախարար Սուլեյման Սոյլուի հետ:
«Ակօս» շաբաթաթերթը հայտնում է, որ ձեռք բերված տեղեկությունների համաձայն, հանդիպման ժամանակ քննարկվել է Պոլսի հայոց պատրիարքի ընտրության հարցը:
Փաստաբան Սեպուհ Ասլանգիլը, որը գլխավորում է պատրիարքի ընտրությունները համակարգող Նախաձեռնակ մարմինը, անդրադարձել է նահանգապետարանի՝ պատրիարքարան ուղարկած նամակին, որտեղ հայնտում էր, որ պետությունը Գարեգին արքեպիսկոպոս Բեքչյանին չի ճանաչում պատրաիարքի տեղապահ :
Ասլանգիլը ցավալի է համարել, որ նամակում տեղ գտած տվյալները շարադրված են եղել անփութորեն և նկատել է, որ նամակը գրվել է հապճեպ: Նա հիշեցրել է, որ պատրիարքի նախկին փոխանորդ Արամ Աթեշյանին այդ պաշտոնում ընտրել է պատրիարքության հոգևոր խուրհուրդը և այդ նույն խորհուրդն էլ դադարեցրել է նրա լիազորությունները: Ասլանգիլը, հիշեցնելով, որ հոգևոր խորհրդի որոշմամբ է պատրիարք Մեսրոպ Մութաֆյանը հանգստյան կոչվել և ընտվել պատրիարքի տեղապահ՝ ընդգծել է, որ այս բոլոր գործընթացներն ընթացել են համաձայն եկեղեցական օրենքների:
Փաստաբանը քննադատել է նահանգապետարանին պատրիարքարան ուղարկված նամակում Գարեգին արք. Բեքչյանի հասցեին կիրառված «այսպես կոչված տեղապահ» արտահայտության համար՝ նշելով, որ ընտրված անձին նման կերպ դիմելը պատշաճ չէ:
Հանդիպմանը ներկա հայկական հիմնադրամների ղեկավարների մեծ մասը կոչ են արել վայրկյան առաջ ընտրություններն անցկացնել, որոշներն էլ հայտնել են, որ դժվար կլինի աշխատանքները Աթեշյանի հետ շարունակել:
Հանդիպման վերջում Սոյլուն պատասխանել է Ասլանգիլի քննադատություններին: Նա նշել է, որ պետությունն ունի օրենքներ, որոնց շրջանակներում էլ գործում է: Բացի այդ, ըստ Թուրքիայի ՆԳ նախարարի, պետությունը պարտավորություն ունի պաշտպանելու պատրիարքի փոխանորդ Արամ Աթեշյանին: Սոյլուն հայտնել է, որ հանդիպման մասին տեղեկություններ կփոխանցի Թուրքիայի վարչապետ Բինալի Յըլդըրըմին և նախագահ Ռեջեփ Թայիփ Էրդողանին: Կողմերը պայմանավորվել են կրկին հանդիպել մեկ ամիս հետո:
Այս ենթաբաժնի վերջին նորությունները
Ըստ ՀԹԿՀ-ի փոխվարչապետի՝ տաքսի ուղղաթիռի ծառայությունն իրականացվում է երկու երկրների միջև փոխադրումները հեշտացնելու համար։
Աշխատաժողովի նպատակն է ամրապնդել թուրքալեզու պետությունների հասարակական կառույցների փոխգործակցությունը։
Թուրքիայի տրանսպորտի և ենթակառուցվածքների նախարարը և նշել, որ այդ որոշումը չափազանց կարևոր է անպարկեշտ տեսանյութերի տարածման ռիսկերը նվազեցնելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ռուսաստանի արտգործնախարար Սերգեյ Լավրովը ապրիլի 12-ին կմեկնի Թուրքիա՝ մասնակցելու դիվանագիտական ֆորումին։
Նախորդ տարվա նույն ժամանակահատվածի համեմատ Հայաստան կատարված արտահանման ծավալները նվազել են 14.4%-ով:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Ադրբեջանի նախագահ. «Մեր քաղաքականությունը հստակ է։ Մենք միշտ եղբայրական ժողովրդի կողքին ենք եղել և այդպես էլ շարունակելու ենք»:
ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |