Հասարակական09:12, 12 Փետրվար 2018
Պոլսում բողոքում են Աթեշյանի դեմ
Ստամբուլում փետրվարի 11-ին Բուն Բարեկենդանի տոնին անցկացվող պատարագի ժամանակ բողոքել են Արամ արքեպիսկոպոս Աթեշյանի դեմ:
Բողոքի համար պատճառ էր դարձել փետրվարի 9-ին Պոլսի հայոց պատրիարքության կրոնական ժողովի որոշումը: Ժողովը, տեղի տալով պետության պահանջներին, Արամ արքեպիսկոպոս Աթեշյանին վերականգնել էր պատրիարքի փոխանորդի պաշտոնում:
Աթեշյանի դեմ բողոքը տեղի է ունեցել Ֆերիքյոյ թաղամասում գտնվող հայկական եկեղեցում, որտեղ անցակցվող պատարագին ներկա է եղել նաև Աթեշյանը: Պատարագին մասնակցող Բեսսե Քաբաքը որպես բողոքի նշան վեր էր բարձրացրել Աստվածաշունչը և սկսել էր երգել «Տեր, որողորմյա» շարականը:
Քաբաքին եկեղեցուց դուրս են հրավիրել, իսկ եկեղեցու դռների մոտ կանգնած ոստիկանները նրան տարել են Ֆերիքյոյի ոստիկանական տեղամաս, որտեղ մեկ ժամ պահելուց և արձանագրություն կազմելուց հետո բաց են թողել:
Հիշեցնենք, որ փետրվարի 5-ին Ստամբուլի նահանգապետարանը նամակ էր ուղարկել պատրիարքարան: Նամակում նշվում էր, որ պետությունը 2017 մարտի 15-ին Պոլսի հայոց պատրիարքի տեղապահ ընտրված Գարեգին արքեպիսկոպոս Բեքչյանի ընտրությունը և այդ ընթացքում նրա ընդունած որոշումները անվավեր է համարում, իսկ պատրիարքության ղեկավար է ճանաչում Արամ Աթեշյանին, որին Նախարարների խորհուրդը 2010 թվականին պատրիարքի փոխանորդի լիազորություններ էր տվել: Նամակում ընդգծվում է, որ պատրիարքի ընտրություններ չեն կարող անցկացվել, քանի դեռ ողջ է Մեսրոպ Մութաֆյան պատրիարքը:
Նշենք, որ պատրիարքն անբուժելի հիվանդության պատճառով ի վիճակի չէ կատարել իր պարտականությունները: Այդ մասին վկայում են նաև բժիշկական եզրակացությունները և դատարանի որոշումը, որով նա անգործունյա է ճանաչվել, իսկ մայրը նշանակվել է խնամակալ:
Այս ենթաբաժնի վերջին նորությունները
Ըստ ՀԹԿՀ-ի փոխվարչապետի՝ տաքսի ուղղաթիռի ծառայությունն իրականացվում է երկու երկրների միջև փոխադրումները հեշտացնելու համար։
Աշխատաժողովի նպատակն է ամրապնդել թուրքալեզու պետությունների հասարակական կառույցների փոխգործակցությունը։
Թուրքիայի տրանսպորտի և ենթակառուցվածքների նախարարը և նշել, որ այդ որոշումը չափազանց կարևոր է անպարկեշտ տեսանյութերի տարածման ռիսկերը նվազեցնելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ռուսաստանի արտգործնախարար Սերգեյ Լավրովը ապրիլի 12-ին կմեկնի Թուրքիա՝ մասնակցելու դիվանագիտական ֆորումին։
Նախորդ տարվա նույն ժամանակահատվածի համեմատ Հայաստան կատարված արտահանման ծավալները նվազել են 14.4%-ով:
Թուրքիայի «Մարմարա քրեակատարողական հիմնարկների համալիրը» կազմված է 9 փակ և 1 բաց ռեժիմի բանտերից։
Ադրբեջանի նախագահ. «Մեր քաղաքականությունը հստակ է։ Մենք միշտ եղբայրական ժողովրդի կողքին ենք եղել և այդպես էլ շարունակելու ենք»:
ԱՄՆ-ն ժամանակին Թուրքիային դուրս էր թողել այդ կործանիչների արտադրության համատեղ ծրագրից, քանի որ Անկարան Ռուսաստանից գնել էր ռուսական S-400 ՀՕՊ համակարգեր:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |