2017թ․ Թուրքիայի ընթացիկ հաշվի պակասորդը գերազանցել է 52 տարվա ցուցանիշը

Տնտեսական07:00, 21 Փետրվար 2018

2017թ․ Թուրքիայի ընթացիկ հաշվի պակասորդը գերազանցել է 52 տարվա ցուցանիշը

2017թ․ Թուրքիայի ընթացիկ հաշվի պակասորդը աննախադեպ մեծության է հասել։ Թուրքական ընդդիմադիր «Cumhuriyet» թերթի կայքի տեղեկացմամբ՝ 2016թ․ համեմատ այս ցուցանիշն աճել է 44․5 տոկոսով՝ կազմելով 47․1 մլրդ դոլար։

Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) փոխնախագահ Այքութ Էրդողդուն ուշադրություն է հրավիրել այն հանգամանքի վրա, որ 2017թ․ ընթացիկ հաշվի պակասորդը ավելին է, քան նախորդ 52 տարիներին գրանցված ընդհանուր պակասորդը։ Այսպես, Թուրքիայի ընթացիկ հաշվի ընդհանուր պակասորդը 1951-2002թթ․ կազմել է 43․7 մլրդ դոլար։

Մյուս կողմից, 1923-2002թթ․ ընկած 80-ամյա ժամանակահատվածում Թուրքիայի արտաքին առևտրի պակասորդը կազմել է ընդհանուր 247 մլրդ դոլար։ Իսկ «Արդարություն և զարգացում» կուսակցության (ԱԶԿ-AKP) իշխանության գալուց հետո՝ 15 տարվա ընթացքում արտաքին առևտրի ընդհանուր պակասորդը կազմել է 967 մլրդ դոլար։

Էրդողդուն ընդգծել է, որ արտահանման և զբոսաշրջության ոլորտում եկամուտների նվազման ֆոնին ընթացիկ հաշվի մշտական պակասորդը սպառնում է երկրի տնտեսությանը և կարող է պատճառ դառնալ նաև երկրի բյուջեի պակասորդի ավելացմանը։ Իսկ ընթացիկ հաշվի և բյուջեի պակասորդը իր հերթին հանգեցնում է արտաքին պարտքի ավելացմանը։

Աղբյուր` Ermenihaber.am

Այս ենթաբաժնի վերջին նորությունները

17:30, 24 դեկտ

Թուրքիայում կարծում են, որ ռուսական գազի դադարեցումը դեպի Ուկրաինա, նոր շանս կստեղծի թուրքերի համար

Գտնվելով էներգետիկ ուղիների կենտրոնում՝ Թուրքիան կարող է առանցքային դեր խաղալ Եվրոպայի էներգետիկ ճգնաժամը մեղմելու գործում։

11:15, 23 դեկտ

Հունաստանը դեմ է Թուրքիայի և Սիրիայի միջև «Բացառիկ տնտեսական գոտու» ստեղծմանը

Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ: