Թուրքիայի բնակչության քանի՞ տոկոսն է իրեն երջանիկ կամ դժբախտ համարում

Հասարակական10:07, 23 Փետրվար 2018

Թուրքիայի բնակչության քանի՞ տոկոսն է իրեն երջանիկ կամ դժբախտ համարում

Թուրքիայի վիճակագրական ընկերությունը (TÜİK) հրապարակել է «Կյանքից գոհունակության» վերաբերյալ 2017թ․ անցկացրած իր հետազոտության արդյունքները։ Ըստ այդմ՝ երկրում որոշակիորեն նվազել է իրենց երջանիկ համարողների թիվը։ Եթե 2016թ․ իր կյանքից գոհ էր Թուրքիայի բնակչության 61․3 տոկոսը, ապա 2017թ․ այդ ցուցանիշը հասել է 58 տոկոսի։

Ընդ որում, իրենց կյանքից գոհ են հատկապես 65 և բարձր տարիքային խմբի ներկայացուցիչները, որոնց շրջանում այդ ցուցանիշը կազմում է 66․1 տոկոս։

Մյուս կողմից, բնակչության շրջանում ավելացել է իրենց դժբախտ զգացողների թիվը: 2016թ․ այս ցուցանիշը կազմում էր 10․4 տոկոսը, 2017թ․՝ 11․1 տոկոս։

Տղամարդկանց շրջանում կյանքից գոհ անձանց թիվը 2016թ․ կազմել է 64․5 տոկոս, 2017թ․՝ 62․4։ Իսկ տղամարդկանց շրջանում՝ 58․ տոկոսից հասել է 53․6 տոկոսի։

Ուշագրավ է, որ իրեն երջանիկ է համարում ամուսնացածների 60․6 տոկոսը, իսկ չամուսնացածների շրջանում այս ցուցանիշն ավելի ցածր է՝ 52․4 տոկոս։ Ընդ որում, իրենց երջանիկ են զգում ամուսնացած կանաց 65․2 և ամուսնացած տղամարդկանց 55․7 տոկոսը։

Հարցվածների 70․6 տոկոսը նշել է, որ իրենց երջանկության աղբյուրը ընտանիքն է, 68 տոկոսը՝ առողջությունը։

Աղբյուր` ntv.com.tr

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։