Անկարայի արձագանքը՝ Հոլանդիայի խորհրդարանի կողմից ցեղասպանության մասին օրինագծերի ընդունմանը

Ցեղասպանություն06:57, 23 Փետրվար 2018

Անկարայի արձագանքը՝ Հոլանդիայի խորհրդարանի կողմից ցեղասպանության մասին օրինագծերի ընդունմանը

Թուրքիայի արտաքին գործերի նախարարությունն արձագանքել է Հոլանդիայի խորհրդարանի կողմից Հայոց ցեղասպանության մասին 2 բանաձևերի ընդունմանը:

«Մենք խստորեն դատապարտում ենք Հոլանդիայի խորհրդարանի՝ 1915 թվականի դեպքերը որպես ցեղասպանություն ճանաչելու մասին որոշումները: Եվրոպայի կենտրոնում՝ Սերեբրենիցայում, իրագործված ցեղասպանության վրա աչք փակող երկրի կողմից ընդունված այս անհիմն որոշումները կապ չունեն ոչ պատմության, ոչ էլ արդարության հետ:

Այս որոշումները ոչ մի իրավական ուժ չունեն։ Եվրոպայի մարդու իրավունքների դատարանի որոշումները ցույց են տալիս այս հարցում մեր իրավացիությունը»,-ասվում է Թուրքիայի արտգործնախարարության հայտարարությունում:

Հիշեցնենք, որ Հոլանդիայի խորհրդարանի ստորին պալատը քվեների մեծամասնությամբ (142 կողմ, դեմ՝3) ընդունել է Օսմանյան Թուրքիայում 1915 թվականի հայերի զանգվածային սպանդը որպես ցեղասպանություն ճանաչելու երկու օրինագիծ:

Ըստ առաջինի՝ Հոլանդիան վերահաստատել է Հայոց ցեղասպանությունը ճանաչելու 2004 թվականի որոշումը, ըստ երկրորդի, այս տարվա ապրիլի 24-ին, ապա հինգ տարին մեկ Երևան է գործուղվելու Նիդերլանդների կառավարության ներկայացուցիչն, ով մասնակցելու է Հայոց Եղեռնի զոհերի ոգեկոչման արարողություններին:

Աղբյուր` Mfa.gov.tr

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։