Տարածաշրջան12:29, 01 Մարտ 2018
Թուրքիայում հեղաշրջման փորձի ընթացքում 106.740 միավոր զենք է կորել
Թուրքիայում 2016 թվականի հուլիսի 15-ին տեղի ունեցած հեղաշրջման փորձի և դրան հաջորդող օրերին Թուրքիայում կորել կամ գողացվել է պետության հաշվեկշռում գտնվող 106.740 զենք: Տեղեկությունը հայտնի է դարձել Թուրքիայի ներքին գործերի նախարարության «2017-ի գործունեության զեկույցի» հրապարակումից հետո:
Թուրքիայում որոշակի քանակով զենքերի կորստի մասին խոսակցությունները սկսվել էին դեռևս 2016-ին, երբ խոսվում էր այն մասին, որ հեղաշրջման փորձի օրերին ձերբակալված կամ սպանված զինվորներից ու ոստիկաններից շատերի զենքերը կորել են:
Հեղաշրջման փորձի օրը սոցցանցերում երկարափող զենքերով երիտասարդների նկարներ էին հայտնվել: Պնդումների համաձայն՝ երիտասարդները եղել են «Օսմանյան օջախներ» կոչվող կազմակերպության անդամներ են եղել: Դրանից հետո էլ խոսակցություններ տարածվեցին այն մասին, որ Անկարայի ոստիկանությունը զենք է բաժանել քաղաքացիական անձանց՝ ոստիկանների հետ խռովարարների դեմ պայքարելու համար:
2017 թվականի հուլիսին թեման տեղափոխվել էր մեջլիսի օրակարգ. գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) պատգամավոր Էրեն Էրդեմը զենքերի կորստի մասին գրավոր հարցադրում էր ուղղել երկրի ՆԳ նախարար Սուլեյման Սոյլուին, սակայն պատասխան չէր ստացել:
Թեման կրկին օրակարգում է հայտնվել ՆԳՆ-ի՝ զեկույցի հրապարակումով, ինչի արդյունքում պարզվել է, որ կորած կամ գողացված զենքերի թիվը բավական մեծ է: Նշվում է, որ զեկույցում ՆԳՆ-ը զենքերի կորստի պատճառների մասին շարադրելիս խոստովանել է նաև բազմաթիվ հարցերում գերատեսչության թերացումները:
80 էջանոց զեկույցում տեղեկություններ է հաղորդվել նաև իրադարձությունների հետևանքով տուժած խաղաղ բնակիչներին ու ծառայողներին տրված փոխհատուցումների չափերի, պետական ծառայողների վերաբերյալ սկսված հետաքննությունների, գողացված կամ կորած մեքենաների մասին:
Այս ենթաբաժնի վերջին նորությունները
Սիրիայում Թուրքիայի ազդեցությունն աճել է՝ նվազեցնելով Իրանի և Ռուսաստանի դերը:
Էրդողանը նշել է, որ ուշադրությամբ է հետևում Հայաստան-Ադրբեջան կարգավորման գործընթացի զարգացումներին։
Թուրքիայի արևելյան Բալըքշեհիր նահանգի Քարեսիի շրջանում պայթյուցիկ նյութերի գործարանում պայթյուն է տեղի ունեցել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ ուշադրությամբ է հետևում Հայաստան-Ադրբեջան կարգավորման գործընթացի զարգացումներին։
Այս մասին հեռուստաեթերից հայտնել է «Taksim Meydanı»-ի հաղորդավար Սինան Բուրհանը։
Սիրիայում Թուրքիայի ազդեցությունն աճել է՝ նվազեցնելով Իրանի և Ռուսաստանի դերը:
Բերբոք. «Իհարկե, Թուրքիայի ունի օրինական անվտանգային շահեր: Սակայն դա չի կարող ևս մեկ անգամ կիրառվել քրդերին աքսորելու և կամ նրանց նկատմամբ բռնություն գործադրելու համար»։
Թուրքիայի էներգետիկայի և բնական պաշարների նախարարը հայտնել է, որ էներգետիկ ենթակառուցվածքներում ուսումնասիրություններ անելու նպատակով առաջիկայում կմեկնի Սիրիա:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |