Հասարակական12:26, 01 Մարտ 2018
Նոբելյան մրցանակակիր գրողները բաց նամակով Էրդողանից պահանջել են հարգել խոսքի ազատությունը

Բրիտանական անվանի «The Guardian» պարբերականը Թուրքիայի նախագահ Ռեջեփ Թայիփ Էրդողանին ուղղված բաց նամակ է հրապարակել։ Նոբելյան մրցանակակիր 38 գրողի ստորագրությունը կրող նամակում կոչ է արվել Էրդողանին՝ ազատ արձակել անհիմն ձերբակալված ու կալանավորված մտավորականներին։
«Հարգելի նախագահ, ուզում ենք Ձեր ուշադրությունը հրավիրել այն հանգամանքի վրա, որ խոսքի ազատության առումով առաջատար կառույցներն անօրինական են համարում գրողների ու մտավորականների կալանավորումներն ու դատապարտումները։ Նմանատիպ զարգացումները մեծ վնաս են հասցնում Թուրքիայի Հանրապետությանը, նրա համբավին, քաղաքացիների պատվին ու բարօրությանը», -ասված է նամակում։
Նամակում անդրադարձ է կատարվել լրագրողներ Ահմեթ Ալթան և Մեհմեթ Ալթան եղբայրների ու Նազլը Ըլըջաքի դեմ տարվող դատավարությանը։ Նամակի հեղինակները ուշադրություն են հրավիրել այն հանգամանքին, որ այդ լրագրողները իրենց ողջ կարիերայի ընթացքում դեմ են եղել հեղաշրջումների ու ռազմատենչության բոլոր դրևսորումներին։ Սակայն նրանք մեղադրվել են զինված ահաբեկչական խմբի անդամ լինելու և հեղաշրջում կազմակերպելու մեջ։
Բաց նամակի հեղինակները հիշեցրել են, որ 2009թ․ Չեթին Ալթանի պատվին Թուրքիայում կազմակերպված մի միջոցառման ժամանակ Էրդողանը հայտարարել էր․ «Թուրքիան արդեն այն հին Թուրքիան չէ, որտեղ մեծ գրողները բանտ էին նետվում։ Այդ ժամանակաշրջանն արդեն ընդմիշտ անցյալում է մնացել»։
«Այն օրը Ձեզ ունկնդրողների թվում էին նաև Չեթին Ալթանի երկու որդիները՝ Ահմեթ և Մեհմեթ Ալթանները, ովքեր ինը տարի անց ցմահ բանտարկության են դատապարտվել։ Սա արմատական հակասություն չէ՞ արդյոք», - ասված է նամակում։
Նոբելյան միջանակակիր գրողները կոչ են արել անմիջապես ազատ արձակել Ահմեթ և Մեհմեթ Ալթաններին, ինչպես նաև՝ անհիմն ձերբակալված կամ ազատազրկված մյուս բոլոր լրագրողներին։ Նրանք հորդորել են Էրդողանին՝ դադարեցնել արտակարգ դրության ռեժիմը և վերականգնել օրենքի գերակայությունն ու մարդկանց խոսքի ազատության իրավունքը։
Այս ենթաբաժնի վերջին նորությունները

Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։

Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:

Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշվում է, որ էպիկենտրոնը եղել է Սիլիվրի քաղաքում, 6.92 կմ խորության վրա: Երկրաշարժը խուճապ է առաջացրել, մարդիկ վախից փողոց են դուրս եկել։
Հայոց ցեղասպանության 110-րդ տարելիցին ընդառաջ հայ երիտասարդները հավաքվել են Ղամըշլը քաղաքի «ՄԱԿ-ի բարձրագույն խորհրդի» շենքի առջև:
Միկրոավտուբուսի ու բեռնատարի բախման հետևանքով տուժածներից 4-ի վիճակը գնահատվում է ծանր։
Մինչ Թուրքիայում իրենց «կարմիր» անցյալը թողած վազում են կապույտ երազանքների հետևից, Հայաստանում օր սև է, կորուստը` դառը:
Region Monitor-ի բացառիկ հարցազրույցն իրանցի պրոֆեսոր, միջազգային հարցերով վերլուծաբան, Սաադոլլահ Զարեիի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |