Իրավական06:52, 01 Մարտ 2018
Ցմահ ազատազրկման դատապարտված լրագրողին ևս 5 տարվա պատիժ՝ Էրդողանին վիրավորելու համար
Թուրք լրագրող Ահմեթ Ալթանը դատապարտվել է 5 տարի և 11 ամիս ազատազրկման՝ ահաբեկչական խմբավորման օգտին քարոզչություն անելու և նախագահ Ռեջեփ Թայիփ Էրդողանին վիրավորելու մեղադրանքով։
Մեղադրանքի պատճառը ինտերնետային կայքերից մեկում Ալթանի կողմից հրապարակված «Ճզմել-անցնել» խորագրով հոդվածն է, որտեղ հեղինակը իշխանությանը մեղադրում է քրդական թաղամասերում խրամատներ փորող երեխաներին տանկերով սպանելու մեջ, «արդարացնում» (ըստ մեղադրանքի) Դիարբեքիրում, Ջիզրեյում, Շըրնաքում ու Մարդինում «Քուրդիստանի բանվորական» կուսակցության (ՔԲԿ-PKK) գործունեությունը։
Հաշվի առնելով դատարանում Ալթանի պահվածքը՝ դատարանը պատժի մեղմացում չի սահմանել։
Նշենք , որ Ահմեթ Ալթանը, նրա եղբայր Մեհմեթ Ալթանը և Նազլը Ըլըջաքը ընդամենը երկու շաբաթ առաջ մեկ այլ դատավարության արդյունքում դատապարտվել էին խիստ ռեժիմի ցմահ ազատազրկման։ Նրանք մեղադրվում էին 2016թ․ հուլիսի 15-ի հեղաշրջման փորձի մասին նախապես տեղեկություն ունենալու և սահմանադրությունը խախտելու մեջ։
Հեղաշրջման փորձից առաջ թուրքական «Can Erzincan TV»-ի եթերում Ահմեթ և Մեհմեթ Ալթանները և Նազլը Ըլըջաքը խոսել էին քաղաքական թեմաներից։ Ձախողված հեղաշրջումից հետո օրենքի ուժ ունեցող որոշումներից (KHK) մեկով նշյալ հեռուստաընկերությունը փակվել էր, իսկ Ահմեթ Ալթանը, նրա եղբարն ու Ըլըջաքը մեղադրվել էին սպասվող հեղաշրջման մասին իրենց վերլուծություններում բացահայտորեն հայտարարելու մեջ։
Ահմեթ Ալթանը Թուրքիայում հայտնի լրագրող, գրող և բանաստեղծ է։ Նա եղել է թուրքական «Taraf» թերթի գլխավոր խմբագիրը, թղթակցել «Nokta» ամսագրին, «Hürriyet» և «Güneş» պարբերականներին։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |