PKK-ի զինյալները հարձակվել են թուրքական ռազմաբազայի վրա

Տարածաշրջան08:38, 19 Մարտ 2018

PKK-ի զինյալները հարձակվել են թուրքական ռազմաբազայի վրա

Մարտի 18-ին առավոտյան Թուրքիայի հարավարևելյան սահմանամերձ Շըրնաք նահանգի Սիլոփ շրջանում «Քուրդիստանի բանվորական կուսակցության» (PKK-ՔԲԿ) զինյալները հարձակվել են տեղի Հիսափքափը կոչվող ռազմաբազայի վրա։

Հարձակման հետևանքով վիրավորվել է 5 թուրք զինվոր։ Քուրդ զինյալներին հայտնաբերելու և վնասազերծեկու համար Թուրքիայի ուժայինները օպերացիա են սկսել։ Քուրդ գրոհայինները զինված են եղել երկարափող զենքերով և նռնականետերով։

Տեղեկացնենք, որ այն բանից հետո, երբ Թուրքիայի զինված ուժերը ներխուժեցին քրդերի վերահսկողության տակ գտնված Աֆրին շրջանի համանուն քաղաք, PKK-ն հայտարարել է, որ այսուհետև իրենք դիմելու են ավելի ակտիվ գործողությունների:

Հիշեցնենք, որ PKK-ն Թուրքիայի կողմից համարվում է ահաբեկչական կազմակերպություն։ Վերջինիս դեմ գործողություններն իրականացվում են ինչպես Թուրքիայում ներսում, այնպես էլ Իրաքի Քանդիլ շրջանում, որտեղ գտնվում է PKK-ի գլխավոր ռազմաբազան։ Թուրքական կողմը Սիրիայի քրդական ուժերին նույնացնում է PKK-ի հետ։

Այս ենթաբաժնի վերջին նորությունները

19:17, 29 մարտ

Հեռախոսազրույց են ունեցել Թուրքիայի և Իրանի նախագահները

Նախագահները քննարկել են Թուրքիայի և Իրանի երկկողմ հարաբերությունները, տարածաշրջանային և գլոբալ հարցեր։

19:03, 26 մարտ

Հալեպում Թուրքիայի հյուպատոսն այցելել է Հայաստանի հյուպատոսություն

Թուրքիայի գլխավոր հյուպատոսը նշել է, որ ելնելով դիվանագիտական էթիկայի կանոններից՝ իր պարտքն է համարել այցելելու գործող միակ դիվանագիտական ներկայացուցչություն: