Թուրքիայում «Ձիթենու ճյուղ» ռազմական գործողության մասին ֆիլմ է նկարահանվել

Հասարակական12:04, 21 Մարտ 2018

Թուրքիայում «Ձիթենու ճյուղ» ռազմական գործողության մասին ֆիլմ է նկարահանվել

Մարտի 23-ին Թուրքիայի կինոթատրոններում կցուցադրվի գեղարվեստական ֆիլմ ՝ Թուրքիայի զինուժի և «Սիրիայի ազատ բանակ» խմբավորման կողմից Աֆրինում իրականացվող «Ձիթենու ճյուղ» ռազմական գործողության մասին։

Ֆիլմը կրում է «Կարմիր բերետավորները. Աֆրին» անվանումը։ Ռեժիսորը Էրհան Բայթիմուրն է, իսկ սցենարիստները՝ Ջոշքուն Գյունեյդողուն և Այչա Բայթիմուրը։

Ֆիլմի նկարահանումները արդեն ավարտվել են։ Պաստառները արդեն փակցված են Թուրքիայի տարբեր քաղաքներում:

Թուրքական ընդդիմադիր աղբյուրը շեշտում է, որ թեև դեռ «Ձիթենու ճյուղ» ռազմական գործողությունը չի ավարտվել, այնուամենայիվ դրա վերաբերյալ արդեն ֆիլմ է նկարահանվել։

Աֆրինի գործողությունների մասին ֆիլմ նկարահանելը սուր քննադատության է արժանացել նաև սոցցանցերում:

Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։

Թուրքիայի պաշտոնական տվյալներով՝ գործողության ժամանակ սպանվել է 46 թուրք զինվոր։ Քրդերի կորուստները հասել են 3603-ի։

Աղբյուր` Diken

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։