Իրավական11:37, 30 Մարտ 2018
«Amnesty International»-ը Թուրքիայից պահանջում է ազատ արձակել ձերբակալված ուսանողներին
Բրիտանական «Amnesty International» իրավապաշտպան կազմակերպությունը հրատապ արշավ է սկսել՝ ի պաշտպանություն Թուրքիայում ձերբակալված ուսանողների։ Ինչպես հայտնի է, օրեր առաջ Աֆրինի ռազմական գործողությունների դեմ բողոքելու պատճառով ձերբակալվել էր Ստամբուլի Բողազիչի (Բոսֆորի) համալսարանի 11 ուսանող:
Կազմակերպության կողմից ստորագրություններ հավաքելու նպատակով հրապարակված տեքստի համաձայն՝ ուսանողների խաղաղ ընդդիմադիր ելույթները համապատասխանում են խաղաղ հավաքների և խոսքի ազատության իրավունքի մասին օրենքի նորմերին։
«Amnesty International»-ի հայտարարությունն ուղղված է Թուրքիայի արդարադատության և ներքին գործերի նախարարություններին։ Պահանջվում է անմիջապես և առանց նախապայմանների ազատ արձակել ձերբակալված ուսանողներին։ Կոչ է արվում վարչական պատասխանատվության չենթարկել նրանց և թույլ տալ շարունակել իրենց ուսումը։
Հայտարարության համաձայն՝ ձերբակալված ուսանողներից 7-ի նկատմամբ հարցաքննության փուլում բռնություն է կիրառվել և վատ վերաբերմունք է ցուցաբերվել։ Իրավապաշտպան կազմակերպությունը պահանջել է հետաքննել այդ դեպքերը, ինչպես նաև՝ կանխել հետայսու ձերբակալված ուսանողների նկատմամբ նմանատիպ վերաբերմունքի կրկնությունը։
Հիշեցնենք, որ մարտի 19-ին Բողազիչի համալսարանում մի խումբ ուսանողներ քաղցրավենիք (լոխում) էին բաժանել՝ ի պատիվ Աֆրինում թուրքական ուժերի հաղթանակի։ Այդ երևույթից վրդովված մեկ այլ խումբ ուսանողներ բողոքել էին նման քայլի դեմ՝ հայտարարելով, որ բռնազավթման և կոտորածի պատվին լոխում բաժանել չի կարելի։
Միջադեպից օրեր անց ելույթ ունեցած Թուրքիայի նախագահ Ռեջեփ Թայիփ Էրդողանը հայտարարել էր, որ այդ ուսանողները ահաբեկիչներ են և նրանք կհեռացվեն համալսարնից։ Մարտի 22-23-ին Աֆրինի գործողությունների դեմ բողոքած ուսանողները ձերբակալվել էին։
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |