Թուրքիայի փոխվարչապետը ԵՄ-ին մեղադրել է անարդարացիության մեջ

Քաղաքական09:01, 18 Ապրիլ 2018

Թուրքիայի փոխվարչապետը ԵՄ-ին մեղադրել է անարդարացիության մեջ

Թուրքիայի վարչապետ և կառավարության խոսնակ Բեքիր Բոզդաղը մեկնաբանել է Թուրքիայի մասին Եվրամիության զեկույցը։ Զեկույցում քննադատության էր ենթարկվել Թուրքիայում պահպանվող արտակարգ դրությունը, ինչպես նաև Աֆրինում ընթացող ռազմական գործողությունը։ Թուրքական կողմին զայրացրել էր այն փաստը, որ զեկույցում գյուլենական համայնքը չի ներկայացվել որպես սպառնալիք աշխարհի համար։

«ԵՄ-ն մինչև հիմա անարդարացի է եղել։ Գյուլենական համայնքն ահաբեկչական կազմակերպություն է և նրա դեմ պայքարը շարունակվելու է։ Իհարկե զեկույցում կային նաև դրական հայտարարություններ, բայց դրանք բավական չեն, որպեսզի կոծկեն Թուրքիայի նկատմամբ անարդարությունը։ Որոշ գեղեցիկ բառերից մեր ստամոքսը արդեն կուշտ է»,-ասել է Բոզդաղը, հավելելով, որ չնայած զեկույցում առկա քննադատություններին, Թուրքիան չի հրաժարվելու Եվրամիության անդամ դառնալու նպատակից։

Թուրք պաշտոնյան տեղեկացրել է, որ երկրում արտակարգ դրությունը երկարաձգելու հարցը փոխանցվել է Թուրքիայի խորհրդարան։

Հիշեցնենք, որ ապրիլի 17-ին Թուրքիայում տեղի ունեցած Ազգային անվտանգության խորհրդի նիստի ժամանակ որոշում էր կայացվել երկրում արտակարգ դրությունը երկարաձգել ևս 3 ամսով։

Աղբյուր` T24

Այս ենթաբաժնի վերջին նորությունները

09:48, 28 նոյ

Թուրքիայի գլխավոր ընդդիմադիր կուսակցությունն առաջ է անցնում իշխող քաղաքական ուժից

Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։