Իրավական08:48, 20 Ապրիլ 2018
Զեկույց․ «Թուրքիան՝ արտակարգ դրության խավարում»
Թուրքիան տնտեսական դժվարություններով, մամուլի ազատության ոտնահարումներով, աշխատանքային և գենդերային անհավասարությամբ ու հանցագործություններով լի խավար ժամանակաշրջան է ապրում։
Այս մասին հայտարարել է Թուրքիայի գլխավոր ընդդիմադիր «Ժողովրդահանրապետական» կուսակցության (ԺՀԿ-CHP)՝ մարդու իրավունքների հարցերով պատասխանատու փոխնախագահ Թեքին Բինգյոլը։ Վերջինս ընդգրկուն զեկույց է կազմել՝ Թուրքիայում արդեն 21 ամիս շարունակվող «արտակարգ դրություն» ռեժիմի և դրա բացասական հետևանքների վերաբերյալ։
Այս ժամանակահատվածում երկրում աշխատանքից հեռացվել է 114․279 քաղաքացի, որոնցից շուրջ 7․000-ը՝ համալսարանների պրոֆեսորադասախոսական կազմից։ Միայն 2017թ․ արդյունաբերական վթարների, աշխատանքային պայմանների անբավարար ապահովության պատճառով կյանքից զրկվել է 2․006 աշխատող, որոնցից 116-ը՝ կին, 1890-ը՝ տղամարդ։ Նրանցից 60-ը երեխաներ են եղել, 88-ը՝ Թուրքիայում ապաստանած փախստականներ։ «Արտակարգ դրության» ռեժիմի պայմաններում սաստկացած աղքատության, զրպարտությունների և անարդարությունների պատճառով այս ընթացքում ինքնասպանություն է գործել 47 քաղաքացի։
Զեկույցի համաձայն՝ «արտակարգ դրության» ռեժիմը մամուլի և մամուլի ներկայացուցիչների իրավունքների տեսակետից Թուրքիայի պատմության ամենախավար փուլն է։ Նշված 21 ամսվա ընթացքում Թուրքիայում փակվել է շուրջ 200 մեդիա կառույց, որոնցից միայն 25-ի վերաբերյալ կայացված որոշումն է այնուհետև չեղարկվել։ Դադարեցվել է 6 լրատվական գործակալության, 50 թերթի, 18 ամսագրի, 33 հեռուստաալիքի, 29 հրատարակչության, 37 ռադիոալիքի գործունեությունը, 135 լրագրող կալանավորվել է, ևս 2․500 լրագրող զրկվել է աշխատանքից։
«Արտակարգ դրության» անվերջ երկարաձգվող ժամկետի ընթացքում Թուրքիայում սպանվել է առնվազն 624 կին, փակվել է կանանց աջակցություն ցուցաբերող 11 հաստատություն, շուրջ 700 երեխա ծայրահեղ անբարենպաստ պայմաններում բանտարկվել է իր մոր հետ, դադարեցվել կամ սահմանափակվել է նաև երեխաների իրավունքների պաշտպանությամբ զբաղվող մի շարք կառույցների գործունեությունը։
«Արտակարգ դրության» ռեժիմն իր բացասական ազդեցությունն է թողել նաև երկրի տնտեսության վրա։ Գործազրկության մակարդակը հասել է 18 տոկոսի, իսկ գործազուրկների թիվը՝ 6․1 միլիոնի։ Առանց աշխատանքային ապահովագրության աշխատողների թիվն աճել է շուրջ 500․000-ով՝ հասնելով 9 մլն 456․000-ի։ Իսկ ինֆլյացիայի մակարդակը 8-9 տոկոսից հասել է 10-11 տոկոսի։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |