Թուրքիայի քրդամետ կուսակցության պատգամավոր. «Էրդողանի դեմ պայքարում կաջակցենք Գյուլին»

Քաղաքական07:08, 23 Ապրիլ 2018

Թուրքիայի քրդամետ կուսակցության պատգամավոր. «Էրդողանի դեմ պայքարում կաջակցենք Գյուլին»

Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) Դիարբեքիրի պատգամավոր Զիյա Փիրը խոսել է այն հարցի շուրջ, թե արդյոք արտահերթ նախագահական ընտրություններում իրենք կսատարեն Թուրքիայի նախկին նախագահ Աբդուլլահ Գյուլին, եթե վերջինս առաջադրի իր թեկնածությունը։

«Մեր կուսակցությունում կան մարդիկ, ովքեր պահանջում են աջակցել Աբդուլլահ Գյուլին։ Այդ պատճառով Թուրքիայի նախագահ Ռեջեփ Թայիփ Էրդողանի դեմ պայքարում նրան կաջակցենք»։

Ըստ ԺԴԿ-ականների՝ նախագահական ընտրությունների առաջին փուլում ոչ մի թեկնածու չի հաղթելու, և լինելու է 2-րդ փուլ։

Փիրը նաև տեղեկացրել է, որ նախագահական ընտրությունների ժամանակ իրենց կուսակցությունից որպես թեկնածու առաջադրվելու է նախկին համանախագահ Սելահաթթին Դեմիրթաշը։ Վերջինս այժմ կալանավորված է:

Խոսելով նաև Թուրքիայում տեղի ունենալիք վաղաժամ խորհրդարանական ընտրություններից՝ նա հայտնել է, որ իրենց կուսակցությունը չի պատրաստվում որևէ քաղաքական ուժի հետ դաշինք կազմել, քանի որ ըստ տարբեր նախնական հարցումների՝ քրդամետ կուսակցությունը հաղթահարելու է 10 տոկոսանոց անցումային շեմը։

Աղբյուր` Haberler

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։