Ղարաբաղ12:40, 25 Ապրիլ 2018
Էրդողանն ու Ալիևը հանդիպել են. անդրադարձել են նաև ղարաբաղյան հիմնահարցին
Պաշտոնական այցով Անկարայում գտնվող Ադրբեջանի նախագահ Իլհամ Ալիևը և Թուրքիայի նախագահ Ռեջեփ Թայիփ Էրդողանը այսօր հանդիպում են ունեցել, այնուհետև երկու երկրների ղեկավարները համատեղ մամուլի ասուլիսում ամփոփել են հանդիպման արդյունքները:
Ասուլիսի ընթացքում Էրդողանը, մեկ անգամ ևս հիշեցնելով երկու եղբայրական երկրների ջերմ հարաբերությունների մասին, հայտնել է, որ գալիք ընտրություններում հաղթելուց հետո առաջին երկիրը, որ ինքը կայցելի` կլինի Ադրբեջանը:
Շեշտելով, որ Ադրբեջանը միշտ դժվար պահերին Թուրքիայի կողքին է, Էրդողանն ասել է. «Հուլիսի 15-ից հետո (խմբ. Թուրքիայում ռազմական հեղաշրջման փորձից հետո) մեզ առաջինը կարեկցող ու սատարող եղբայրներիցս մեկը Իլհամ Ալիևն է եղել: «Ձիթենու ճյուղ» գործողության ընթացքում նույնպես Ադրբեջանի կառավարությունն ու ժողովուրդը միշտ մեր կողքին են եղել»:
Անդրադառնալով ղարաբաղյան հիմնահարցին՝ Էրդողանը պնդել է, որ խնդիրը պետք է լուծվի «Ադրբեջանի տարածաքային ամբողջականության սկզբունքից ելնելով» և ավելացրել. «Ռազմական և պաշտպանական արդյունաբերության ոլորտում համագործակցությունը զարգացնելու հարցում վճռական ենք: Հետևողական կլինենք, որ այսօր այստեղ ձեռք բերված բոլոր համաձայնություններն ի կատար ածվեն, և կանենք հնարավոր ամեն բան, որպեսզի մեր ռազմավարական հարաբերությունները ավելի բարձր մակարդակ տեղափոխենք»:
Այս ենթաբաժնի վերջին նորությունները
Թուրքիայի նախագահը MIT- հիմնադրման 97-ամյակին նվիրված միջոցառմանն անդրադարձել է Լեռնային Ղարաբաղի խնդրին:
Ֆիդանը հանդիպելու է նաև Ադրբեջանի արտգործնախարար Ջեյհուն Բայրամովի հետ, որից հետո կողմերը մամուլի ասուլիս կտան։
Թուրքիայի խորհրդարանում ընդունվել է Աղդամի ռուս-թուրքական մշտադիտարկման կենտրոնում Թուրքիայի զինանձնակազմի ծառայության ժամկետը երկարաձգելու մասին նախագիծ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |