Թուրքիայում գիրք է կարդում յուրաքանչյուր 1000 քաղաքացուց մեկը

Հասարակական09:16, 01 Մայիս 2018

Թուրքիայում գիրք է կարդում յուրաքանչյուր 1000 քաղաքացուց մեկը

Թուրքիայի փոխվարչապետ Մեհմեթ Շիմշեքը տվյալներ է հրապարակել Թուրքիայում ընթերցանության ավանդույթի ու մասսայականության մասին։

Շիմշեքը մասնակցել է Գազիանթեփում կազմակերպված գրքի տոնավաճառի բացման արարողությանը։ Նա դժգոհություն է հայտնել, որ Թուրքիայի բնակչությունը հեռուստատեսությանն ու համացանցին անհամեմատ ավելի շատ ժամանակ է տրամադրվում, քան գրքերին ու առհասարակ ընթերցանությանը։

«Մի ուսումնասիության համաձայն՝ Թուրքիայում գիրք է կարդում յուրաքանչյուր հազար քաղաքացուց մեկը։ Մեր քաղաքացիներն օրական միջինում 8-9 ժամ են տրամադրում հեռուստացույց դիտելուն և համացանցին, իսկ գիրք կարդալուն տրամադրվում է օրական միջինում մեկ րոպե։ Դա սարսափելի է։

Մենք նաև գրքերի համար գումար չենք ծախսում։ Նորվեգիայում մեկ քաղաքացին տարեկան միջինում 137 դոլար դոլար է ծախսում գիրք գնելու համար, Գերմանիայում՝ 122, իսկ ողջ աշխարհում՝ 1․3 դոլար։ Մինչդեռ Թուրքիայում մեկ քաղաքացին տարեկան միջինում ընդամենը 25 ցենտ է ծախսում գիրք գնելու նպատակով», -տեղեկացրել է Թուրքիայի փոխվարչապետը։

Այս ամենին հակառակ՝ Թուրքիայում տպագրվող գրքերի քանակը կտրուկ ավելացել է։ Շիմշեքի խոսքով՝ վերջին 10 տարում մեկ անձին բաժին ընկնող նոր գրքերի թիվը 4-ից հասել է 8-ի։

Աղբյուր` Aydinlik.com.tr

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։