Թուրքական լիրան դոլարի նկատմամբ արժեզրկման նոր ռեկորդ է գրանցել

Տնտեսական08:28, 03 Մայիս 2018

Թուրքական լիրան դոլարի նկատմամբ արժեզրկման նոր ռեկորդ է գրանցել

Վերջին շրջանում ամերիկյան դոլարի նկատմամբ անընդհատ անկումներ գրանցող թուրքական լիրան մայիսի 3-ին պատմական ռեկորդ է գրանցել:

Լիրայի նոր արժեզրկման պատճառ է հանդիսացել Թուրքիայի ազգային վիճակագրական ընկերության կողմից ապրիլին գրանցված ինֆլյացիայի (գնաճ) տվյալների հրապարակումը: Նշվում է, որ օրվա սկզբին թուրքական բորսաներում գործարքները կատարվել են 1 դոլարը 4.17 լիրա հարաբերակցությամբ, սակայն ինֆլյացիայի տվյալների հրապարակումից հետո թուրքական դրամական միավորը արժեզրկվել է՝ 1 դոլարի դիմաց կազմելով 4.23-լիրա: Վերջին մեկ շաբաթվա ընթացքում լիրան արժեզրկվել էր՝ 1 դոլարի դիմաց 4.05-ից դառնալով 4.17:

Համաձայն Թուրքիայի ազգային վիճակագրական ընկերության ներկայացրած տվյալների՝ ապրիլին սպառողական զամբյուղի ապրանքների գները մարտի համեմատությամբ աճել են 1.87 տոկոսով, իսկ նախորդ տարվա ապրիլի համեմատությամբ՝ 10.85 տոկոսով:

Աղբյուր` Ermenihaber.am