Թուրքական TRT հեռուստաալիքը եթեր չի տրամադրում ընդդիմադիր թեկնածուներին

Քաղաքական10:56, 08 Մայիս 2018

Թուրքական TRT հեռուստաալիքը եթեր չի տրամադրում ընդդիմադիր թեկնածուներին

Իսմայիլ Սայգըլը անունով Թուրքիայի քաղաքացին դատական հայց է ներկայացրել թուրքական պետական TRT հեռուստաալիքի դեմ։

Դատական հայցի պատճառ է հանդիսացել այն, որ պետական հեռուստաընկերությունը իր եթերում տեղ չի հատկացրել երկրի արտահերթ նախագահական ընտրություններին մասնակցել պատրաստվող ընդդիմադիր երկու ուժերի թեկնածուներին։

Խոսքը Թուրքիայի «İYİ» կուսակցության նախագահ Մերալ Աքշեների և ընդդիմադիր քեմալական «Ժողովրդահանրապետական կուսակցության» (ԺՀԿ-CHP) պատգամավոր Մուհարրեմ Ինջեի մասին է։

Նշյալ դատական հայցն ուսումնասիրվելու է Ստամբուլի հանրապետական դատախազությունում։

Ավելի վաղ թեմայի շուրջ իր դժգոհությունն էր հայտնել անձամբ Ինջեն՝ ասելով. «Սա իմ վերջին զգուշացումն է, այլևս չեմ զգուշացնելու։ TRT-ն ոչ թե ձեր հոր, այլ Թուրքիայում ապրող 80մլն մարդու սեփականությունն է»։

Հիշեցնենք, որ հունիսի 24-ին Թուրքիայում տեղի ունենալու արտահերթ խորհրդարանական և նախագահական արտահերթ ընտրություններ։

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։