Թուրքիայում կվերացվի արտակարգ դրությունը, եթե քեմալականների թեկնածուն դառնա նախագահ

Քաղաքական07:34, 08 Մայիս 2018

Թուրքիայում կվերացվի արտակարգ դրությունը, եթե քեմալականների թեկնածուն դառնա նախագահ

Թուրքիայի ընդդիմադիր քեմալական «Ժողովրդահանրապետական կուսակցությունից» (ԺՀԿ-CHP) նախագահական ընտրություններում առաջադրված թեկնածու Մուհարրեմ Ինջեն թուրքական «Sozcu» պարբերականին տված հարցազրույցում խոսել է իր ծրագրերից:

Ինջեի խոսքով՝ վաղաժամ նախագահական ընտրություններին մասնակցելու առաջարկն իրեն արել է կուսակցապետ Քեմալ Քըլըչդաչօղլուն։ Քըլըչդարօղլուն ասել է, որ Ինջեի թեկնածության առաջադրումը կարևոր է ոչ միայն կուսակցության, այլև երկրի համար։

«Sozcu» -ի լրագրողը մինչ քեմալականների թեկնածուի ծրագրերին ծանոթանալը հետաքրքրվել է, թե արդյոք, Ինջեի թեկնածությունը պաշտպանելով, Քըլըչդարօղլուն նպատակ չի ունեցել ազատվել նրանից, քանի որ խոսվում է, թե նրանց երկուսի միջև մրցակցություն կա կուսակցության ներսում։

Ի պատասխան այդ հարցին, Ինջեն ասել է.

«Պարոն Քըլըչդարողլուն ինձ թեկնածու առաջադրեց ոչ թե ինձնից, այլ Էրդողանից ազատվելու համար»։

Հարցազրույցում թուրք քաղաքական գործիչը ասել է, որ եթե նախագահ ընտրվի, ապա առաջին քայլերից մեկը լինելու է Թուրքիայում գործող արտակարգ դրության վերացումը։

Խոսելով Թուրքիայում առկա տնտեսական ճգնաժամի մասին՝ Ինջեն ասել է. «Այս ճգնաժամից դուրս գալու համար անհրաժեշտ քայլեր են իրականացվելու։ Վերջ ենք տալու հարուստին ավելի հարուստ և աղքատին ավելի աղքատ դարձնող տնտեսական քաղաքականությանը։ Պետությունը չի կարող պաշտպանել սեփական շահերը, երբ կորցնում է տնտեսական անկախությունը։ Ճիշտ է, մեր հարավում տեղի ունեցող զարգացումները Թուրքիայի համար վտանգներ են պարունակում, բայց իրական վտանգը տնտեսական ցուցանիշներն են»։

Աղբյուր` Demokrathaber

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։