Հոլանդիայում պատրաստվում են արգելել թուրք գործիչների նախընտրական քարոզարշավը

Քաղաքական07:44, 14 Մայիս 2018

Հոլանդիայում պատրաստվում են արգելել թուրք գործիչների նախընտրական քարոզարշավը

Թուրքիայում հունիսի 24-ին տեղի են ունենալու խորհրդարանական և նախագահական արտահերթ ընտրություններ։ Թուրքիայի իշխանությունները պատրաստվում են նախընտրական քարոզարշավ իրականացնել նաև այն երկրներում, որտեղ կան թուրքական համայնքներ։

Հոլանդիայի իշխանությունները մտադրություն ունեն արգելել թուրքերի նախընտրական քարոզարշավը։ Թուրք քաղաքական գործիչների քարոզարշավը կանխելու նախաձեռնությունը պատկանում է Հոլանդիայի վարչապետի ղեկավարած «Հանուն ազատության և ժողովրդավարության» (VVD) կուսակցությունը։ Վերջինիս հետ կուալացիա կազմած մի շարք կուսակցություններ նույնպես չեն ցանկանում, որ թուրքերը քարոզարշավ իրականացնեն իրենց երկրի տարածքում։

Իշխող կուսակցության պատգամավոր Բենտե Բեքերը նշել է, որ Հոլանդիայում քարոզարշավ անցկացնել ցանկացող թուրք քաղաքական գործիչները տեղի բնակչության շրջանում անհանգստություն են առաջացնելու և խաթարելու իրենց երկրի կայունությունը։

Թուրքիայում առկա նախընտրական լարվածությունը քարոզարշավների միջոցով հնարավոր է տեղափոխվի իրենց երկիր, ինչը բնավ ցանկալի չէ։ Բեքերը պահանջել է, որ թուրք գործիչների քարոզարշավն օրինապես ու պաշտոնապես արգելվի, ինչպես դա արվեց Գերմանիայում։

Հիշեցնենք, որ Գերմանիան պաշտոնապես արգելք է սահմանել թուրք գործիչների կողմից իրենց երկրում նախըտրական քարոզարշավ իրականացնելու վրա:

Աղբյուր` Gercekgundem

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։