Թուրքիայի նախագահի թեկնածուի կարծիքով Էրդողանն արժանանալու է Օզալի ճակատագրին

Քաղաքական09:50, 17 Մայիս 2018

Թուրքիայի նախագահի թեկնածուի կարծիքով Էրդողանն արժանանալու է Օզալի ճակատագրին

Թուրքիայի ընդդիմադիր քեմալական «Ժողովրդահանրապետական կուսակցությունից» (ԺՀԿ-CHP) նախագահական ընտրություններում առաջադրված թեկնածու Մուհարրեմ Ինջեն սկանդալային խոսքեր է հնչեցրել։

Մասնակցելով թուրքական «FOXTV» հեռուստաընկերության հաղորդումներից մեկին՝ ասել է. «Ինչպես Թուրքիայի նախկին նախագահներ Սուլեյման Դեմիրելը և Թուրգութ Օզալը գնացին, այնպես էլ Էրդողանն է գնալու»։

Հետագայում Ինջեյի վերոնշյալ խոսքերը FOX TV-ն առանձնացրել է և հրապարակել Ինջեի լուսանկարի ստորին հատվածում։

Դրա հետևանքով FOX TV-ի Youtube-ով հեռարձակվող եթերը դադարեցվել է։

Ինջեի այդ խոսքերը մեծ արձագանք են գտել սոցցանցերում։

Աղբյուրը ենթադրում է, որ Ինջեն նկատի ունեցել է Օզալի ոչ միայն քաղաքական, այլև նրա ֆիզիկական վախճանը։

Հիշեցնենք, որ Օզալի մահվան հանգամանքները վերջերս մի շարք կասկածներ էին հարուցում: Մի մասը պնդում էր, որ Օզալը մահացել է սրտի կաթվածից, իսկ մյուս մասը՝ մասնավորապես Օզալի ընտնաիքը, պնդում էր, որ Թուրքիայի նախագահին թունավորել են։

2012 թվականին Թուրքիայի գլխավոր դատախազության որոշմամբ փորձաքննության նպատակով կատարվել է Օզալի աճյունի արտաշիրիմում: Քննության ժամանակ նրա մասունքներում հայտնեբերվել էր թունավոր նյութի տարրեր

1971թ. մարտի 12-ին թուրքական բանակը միջամտեց երկրի քաղաքական անցուդարձին, որը պատմության մեջ մտավ «հուշագրային հեղաշրջում» անվանմամբ: Թուրքիայի զինուժը երկրի նախագահ Ջևդեթ Սունային ներկայացրեց հուշագիր, որով պահանջվում էր կառավարության հրաժարականը։ Իսկ այդ ժամանակվա Թուրքիայի վարչապետը հենց Սուլեյման Դեմիրելն էր։ Նույն օրը Սուլեյման Դեմիրելի ղեկավարած կառավարությունը հրաժարական տվեց։

Աղբյուր` Yeni Şafak

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։