Քաղաքական08:30, 18 Մայիս 2018
Պոլսահայերի «Նոր զարթոնք» նախաձեռնությունը աջակցություն է հայտնել քրդամետ կուսակցությանը
Թուրքիայում պոլսահայ երիտասարդների հիմնած «Նոր զարթոնք» քաղաքացիական նախաձեռնությունը հունիսի 24-ին տեղի ունենալիք համապետական ընտրություններին ընդհառաջ իր աջակցությունն է հայտնել քրդամետ «Ժողովուրդների դեմոկրատական կուսակցությանը» (ԺԴԿ-HDP) ու այդ կուսակցությունից նախագահի թեկնածու առաջադրված Սելահաթթին Դեմիրթաշին:
Ձախակողմյան հայացքներով, Թուրքիայում կազմակերպած Հայոց ցեղասպանության զոհերի հիշատակման միջոցառումներով ու բազմաթիվ այլ նախաձեռնություններով հայտնի «Նոր զարթոնքի» հայտարարության մեջ ասված է.
«Այսօր Թուրքիայում վերահսկողական բոլոր մեխանիզմներն ու դատական համակարգը խափանված վիճակում են, բանտերը լցված են ընդդիմադիրներով, առաջատար լրատվամիջոցները գտնվում են կառավարության ձեռքում, խորհրդարանը քաղաքական գործընթացներից դուրս է թողնված: Արտակարգ դրության պատճառով երկիրը վերածվել է մեկ մարդու համակարգի: Խորացող տնտեսական ճգնաժամը իշխող «Արդարություն և զարգացում կուսակցությանը» (AKP-ԱԶԿ) ստիպում է բռնի ընտրություն անցկացնել»:
Նշվում է, որ Թուրքիայում մարդու իրավունքները, ժողովրդավարությունը, հավասարությունը, արդարությունն ու նմանատիպ այլ արժեքներն օր-օրի «մաշվում են»:
Նախաձեռնության հայտարարության մեջ անդրադարձ կա նաև Պոլսո հայոց պատրիարքի ընտրությունների շուրջ ստեղծված ճգնաժամին, որտեղ նշվում է, որ հայերը պետության կողմից զրկվել են պատրիարք ընտրելու իրենց իրավունքից, իսկ Աթեշյանը նշանակված է որպես պետության դրածո:
Հայտարարության մեջ մտահոգություն կա նաև հայկական եկեղեցիների ու դպրոցների պատերին պարբերաբար հայտնվող ազգայնամոլական ու ռասիստական գրությունների մասին:
«Այս ամբողջ բացասական պատկերի մեջ ԺԴԿ-ն (HDP) միակ ուժն է, որը կփոխի Թուրքիայում տիրող իրավիճակը:
...Հեռուստատեսությամբ ընդդիմադիր առաջնորդների ելույթների գրաքննությամբ, թեկնածուների համար անհավասար պայմաններով ու արտակարգ դրությամբ ուղեկցվող այս ընտրություններում մեր թեկնածուն ու մեր հույսը կրկին Սելահաթթին Դեմիրթաշն է»,- նշված է հայտարարության մեջ:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |