Թուրքիայի կապի նախարարը՝ Wikipedia-ի արգելքի դադարեցման մասին

Հասարակական12:15, 18 Մայիս 2018

Թուրքիայի կապի նախարարը՝ Wikipedia-ի արգելքի դադարեցման մասին

Թուրքիայի տրանսպորտի, ծովագնացության և կապի նախարար Ահմեթ Արսլանը անդրադարձել է երկրում արգելափակված «Wikipedia» խոշորագույն առցանց հանրագիտարանի վերաբացման խնդրին։

Թուրք նախարարը հայտարարել է, որ քանի դեռ «Wikipedia»-ն շարունակում է Թուրքիային ներկայացնել որպես «Իսլամական պետություն» (ԻՊ-DEAŞ) ահաբեկչական խմբավորման աջակից, կայքի արգելափակումը չի դադարեցվի։

«Նրանք արգելափակեցին Թուրքիայից միջամտել ցանկացող խմբագիրներին։ Մինչ օրս նրանք որևէ քայլ չեն կատարել՝ դատարանի վճիռը իրագործելու, խմբագիրներին ազատություն տալու և սխալ տեղեկությունները ուղղելու ուղղությամբ», - նշել է Արսլանը։

Նախարարը ընդգծել է, որ իրենք, ամեն դեպքում, ցանկանում են, որ թուրք հասարակությունը ևս օգտվի այդ ինֆորմացիայի աղբյուրից և պարբերաբար բանակցություններ են տանում կայքի վերաբացման ուղղությամբ։

Հիշեցնենք, որ ամենամեծ առցանց հանրագիտարանը Թուրքիայում արգելափակվել էր 2017թ․ ապրիլի 29-ին։ Պատճառն այն էր, որ «Վիքիպեդիայում» տեղ էին գտել հոդվածներ, որոնք բացահայտում էին Թուրքիայի իշխանությունների կապը ահաբեկչական կազմակերպությունների հետ և չնայած Թուրքիայի պահանջներին՝ «Վիքիպեդիան» հրաժարվել էր ջնջել կամ փոփոխել այդ հոդվածները։

Աղբյուր` Cumhuriyet.com.tr

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։