BBC․ Թուրքիայում կեղծ կամ գողացված անձնագրեր գնելը չափազանց հեշտ է

Հասարակական09:55, 22 Մայիս 2018

BBC․ Թուրքիայում կեղծ կամ գողացված անձնագրեր գնելը չափազանց հեշտ է

Բրիտանական BBC հեռուստաընկերության արաբական բաժնի աշխատակիցները Թուրքիայում ուշագրավ հետազոտություն են անցկացրել։ Նրանք փորձել են պարզել, թե մասնավորապես Ստամբուլում որքան իրատեսական է կեղծ ճամփորդական անձնագիր ձեռք բերելը։

BBC-ի անձնակազմը նախ տեղեկացնում է, որ ինտերնետային տիրույթում, մասնավորապես՝ Facebook սոցիալական ցանցում, կան բազմաթիվ էջեր, որոնք զբաղվում են կեղծ կամ գողացված անձնագրերի, ճամփորդական փաստաթղթերի կամ Եվրոպայում բնակության իրավունք տվող փաստաթղթերի առուվաճառքով։

Հետազոտության հեղինակները նախ գրանցվել են նման խմբերից մեկում, որտեղ 5․000-ից ավելի ակտիվ օգտատեր կա։ Հետո նրանք հայտարարություն են հրապարակել, որ իրենց մոտ 30 տարեկանի անձնագիր է պետք։ Մի քանի ժամվա ընթացքում շուրջ 10 մարդուց պատասխան է ստացվել։

Հետո նրանք հանդիպել են մի մարդու հետ, ով ասել է, որ իր մոտ վաճառքի ենթակա ճամփորդական անձնագրեր կան։ Նա նշել է, որ անձնագիրը դեռ վավերական է և դրանով կարելի է առանց խնդիրների ճամփորդել Եվրոպայում։ Անձնագիր վաճառողը պնդել է նաև, որ այդ փաստաթղթերը իրենք գնում են այն փախստականներից, ովքեր որոշում են կայացնում հեռանալ Եվրամիությունից։ Միակ պայմանն այն է, որ անձնագիր գնողը որոշ չափով նման լինի փաստաթղթի իրական տիրոջը։

Լրագրողները հետաքրքրվել են նաև բրիտանական անձնագրեր գնելու հնարավորությամբ, սակայն պարզվել է, որ բրիտանական կեղծ անձնագրերը շատ թանկ են՝ շուրջ 17․000 դոլար։

Այսպիսով, BBC-ի անձնակազմը ապացուցել է, որ Ստամբուլում մի քանի ժամվա ընթացքում կարելի է գումարի դիմաց ձեռք բերել Շենգենյան գոտում շրջագայելու իրավունք տվող վավեր փաստաթուղթ։ Դա Գերմանիայում հայտնի է որպես «կապույտ անձնագիր» և դրանց կեղծումը լուրջ խնդիր է Գերմանիայի համար։ Միայն 2017թ․ ընթացքում կեղծ, գողացված կամ կորած անձնագրերով Եվրոպա մուտք գործելու փորձ կատարելիս շուրջ 6․700 անձ է ձերբակալվել։

Աղբյուր` BBC

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։