Մարգար Եսայանը կրկին Թուրքիայի իշխող կուսակցության ընտրացուցակում է

Քաղաքական07:14, 22 Մայիս 2018

Մարգար Եսայանը կրկին Թուրքիայի իշխող կուսակցության ընտրացուցակում է

Թուրքիայի կուսակցությունները շարունակում են նախապատրաստական աշխատանքները հունիսի 24-ին տեղի ունենալիք արտահերթ խորհրդարանական և նախագահական ընտրությունների համար։

Թուրքիայի իշխող «Արդարություն և զարգացում» կուսակցությունը (ԱԶԿ-AKP) Կենտրոնական ընտրական հանձնաժողովին (YSK) է ներկայացրել իր ընտրացուցակը։

Ընդհանուր առմամբ ԱԶԿ-ից որպես պատգամավորի թեկնածու առաջադրվել է 600 հոգի, որից 123-ը կանայք են։

Ինչպես 2015թվականին, այնպես էլ առաջիկա խորհրդարանական ընտրություններին ԱԶԿ-ից որպես Ստամբուլի պատգամավորի թեկնածու է առաջադրվել հայազգի Մարգար Եսայանը, ով նախորդ ընտրությունների արդյունքներով պատգամավորական մանդատ էր ստացել:

Հիշեցնենք` երեկ պարզ դարձավ, որ մեկ այլ հայազգի պատգամավոր Գարո Փայլանը պատգամավորի թեկնածու է առաջադրվելու Դիարբեքիրից։ Իսկ Թուրքիայի գլխավոր ընդդիմադիր «Ժողովրդահանրապատական կուսակցությունից» (CHP-ԺՀԿ) պոլսահայ պատգամավոր Սելինա Դողանը չի լինի ԺՀԿ-ի ընտրացուցակում:

Աղբյուր` Sabah

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։