ԵԽԽՎ-ն բացասաբար է գնահատել Թուրքիայում նախընտրական իրավիճակը

Քաղաքական08:43, 01 Հունիս 2018

ԵԽԽՎ-ն բացասաբար է գնահատել Թուրքիայում նախընտրական իրավիճակը

Եվրոպայի խորհրդի խորհրդարանական վեհաժողովի (ԵԽԽՎ) պատվիրակությունը Թուրքիայում հունիսի 24-ին կայանալիք նախագահական և խորհրդարանական արտահերթ ընտրություններից առաջ զեկույց է հրապարակել։

Զեկույցում արձանագրվել է, որ Թուրքիայում շարունակվող արտակարգ դրության ռեժիմը, խոսքի ազատության սահմանափակումները, ռազմական գործողություններն ու լրագրողների և քաղաքական գործիչների կալանավորման դեպքերը բացասաբար են ազդում ընտրությունների մթնոլորտի վրա։

Երկօրյա այցով Թուրքիայում գտնվող ԵԽԽՎ-ի պատվիրակությունը հանդիպումներ է ունեցել Ազգային մեծ ժողովի (TBMM), Գերագույն ընտրական խորհրդի (YSK), Ռադիոյի և հեռուստատեսության բարձրագույն խորհրդի (RTÜK) և մի շարք այլ պետական կառույցների ներկայացուցիչների հետ։ Պատվիրակությունը նաև հանդիպել է լրագրողների, մամուլի ներկայացուցիչների, տարբեր քաղաքական կուսակցությունների և հասարակական կազմակերպությունների հետ։

ԵԽԽՎ-ի զեկույցում արձանագրվել է, որ ընտրություններում առաջադրված կին թեկնածուների թիվը չափազանց փոքր է։ Պատվիրակությունն ընդգծել է անկողմնակալ և ազատ, միջազգային չափանիշներին համապատասխան ընտրությունների անցկացման կարևորությունը։ Արձանագրվել է նաև, որ ընտրություններից ընդամենը մեկ ամիս առաջ ընտրական օրենսգրքում փոփոխություններ են կատարվել, ինչը հակասում է Վենետիկի հանձնաժողովի պահանջներին։ ԵԽԽՎ-ի հանձնաժողովը մտահոգություն է հայտնել, որ կատարված օրենսդրական փոփոխությունները կմեծացնեն ընտրական գործընթացին կողմնակի միջամտության ռիսկը, կնվազեցնեն ընտրությունների անվտանգությունն և թափանցիկությունը։

Աղբյուր` Gerçek Gündem

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։