Հետ կանչված թուրք դեսպանը վերադառնում է ԱՄՆ

Քաղաքական09:05, 01 Հունիս 2018

Հետ կանչված թուրք դեսպանը վերադառնում է ԱՄՆ

ԱՄՆ-ում Թուրքիայի արտակարգ և լիազոր դեսպան Սերդար Քըլըչը վերադարձել է Վաշինգտոն։ Նա հետ էր կանչվել Անկարա Գազայի հատվածում տեղի ունեցած իսրայելապաղեստինյան բախումների, ինչպես նաև Երուսաղեմում ԱՄՆ-ի դեսպանատան բացման պատճառով։

Աղբյուրը նշում է, որ դեսպանի՝ ԱՄՆ վերադառնալու պատճառներից մեկը Վաշինգտոնում Թուրքիայի արտգործնախարար Մևլութ Չավուշօղլուի և պետքարտուղար Մայք Պոմպեոյի միջև տեղի ունենալիք հանդիպումն է: Ինչպես ավելի վաղ հայտնի էր դարձել, բանակցային օրակարգում լինելու է Սիրիայի քրդերի վերահսկողության տակ գտնվող Մանբիչ քաղաքի հարցը:

Հանդիպումը կայանալու է հունիսի 4-ին։

Ոչ պաշտոնական տվյալներով՝ ԱՄՆ-ն ու Թուրքիան նախնական համաձայնության են եկել այն հարցում, որ քրդական ուժերը պիտի դուրս գան Մանբիչից:

Հիշեցնենք, որ պաշտոնական Անկարան Սիրիայի քրդական ուժերին համարում է ահաբեկչական կազմակերպություն և նրանց նույնացնում «Քուրդիստանի բանվորական կուսակցության» (ՔԲԿ-PKK) հետ։

Աղբյուր` NTV.com.tr

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։