Թուրք փորձագետ. «Իսրայելը չի ցանկանում, որ Թուրքիային F-35 կործանիչներ տրամադրվի»

Քաղաքական12:53, 01 Հունիս 2018

Թուրք փորձագետ. «Իսրայելը չի ցանկանում, որ Թուրքիային F-35 կործանիչներ տրամադրվի»

Թուրք փորձագետ, աշխարհաքաղաքականության մասնագետ Մուրաթ Յեշիլթաշն անդրադարձել է Թուրքիային F-35 կործանիչների մատակարարման հետ կապված խնդիրներին: Յեշիլթաշը մասնավորապես մեկնաբանել է այն լուրերը, ըստ որոնց Իսրայելը ճնշում է գործադրում ԱՄՆ-ի վրա, որպեսզի վերջինս Թուրքիային չվաճառի կործանիչների ծրագրային ապահովումները:

Ըստ թուրք մասնագետի՝ Իսրայելը մտավախություն ունի, որ Թուրքիայի կողմից 30 կործանիչների ձեռք բերվելու դեպքում տարածաշրջանում ռազմական հավասարակշռություն կփոխվի:

«Հստակ փաստեր չկան, սակայն ըստ իս՝ Թուրքիային F-35 կործանիչներ մատակարարելու հարցում Իսրայելը սպեկուլացիաների է դիմում: Դա Իսրայելի ռազմավարության մեջ է մտնում: Ինչպես գիտեք, Թուրքիան այդ նախագծում (F-35-ների) կարևոր դեր է խաղացել, իսկ Իսրայելը՝ ոչ: Ավելին, եթե Թուրքիան 30-ից ավել կործանիչ գնի, տարածաշրջանում ուժային հավասարակշռություն կփոխվի: Ահա սա է գլխավոր պատճառը, ինչ համար Իսրայելը խնդրահարույց է համարում կործանիչների մատակարարումը Թուրքիային»,- ասել է Յեշիլթաշը:

Ըստ թուրք փորձագետի՝ Թուրքիայի և Իսրայելի միջև լուրջ մրցակցություն կա թե՛ պաշտպանական տեխնոլոգիաների, թե՛ պաշտպանական արդյունաբերության ոլորտում՝ հիշեցնելով, որ այս պահին Թուրքիայի բանակի կարիքների 57%-ը բավարարվում է այդ երկրի պաշտպանական արդյունաբերության կողմից:

Աղբյուր` Ermenihaber.am

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։