Մշակութային07:05, 05 Հունիս 2018
Հայաստան-Թուրքիա կինոպլատֆորմը սկսում է 2018-ի հայտերի ընդունումը
«Ոսկե ծիրան» կինոյի զարգացման ֆոնդի և «Անադոլու Կուլտուրի» կողմից 2009-ին հիմնադրված Հայաստան-Թուրքիա կինոպլատֆորմը աջակցում է Հայաստանի և Թուրքիայի միջև համատեղ կինոարտադրության կայացմանը և ծառայում որպես աշխատանքային հարթակ երկու երկրների կինոյի մասնագետների համար: ATCP-ն ուղղված է ազգամիջյան բազմակողմանի մշակութային համագործակցությանը, փոխանակմանը, մասնագիտական դասընթացների կազմակերպմանն ու գիտելիքի տարածմանը:
Սկզբնավորման օրվանից ATCP-ի շրջանակներում 24 կարճամետրաժ ֆիլմ և վավերագրական կինոնախագիծ է իրականացվել, եղել է ավելի քան 270 միջպետական այցելություն, պատրաստվել և ներկայացվել է առաջին հայ-թուրքական կինոալմանախը: Այսօր ATCP-ն երկու երկրներից ավելի քան 270 մասնակիցների լիարժեք մասնագիտական ցանց է, որի ֆիլմերը ցուցադրվել են բազմաթիվ կինոփառատոններում և մշակութային կենտրոններում, ձեռք բերել լայն հանդիսատես ողջ աշխարհում:
2018թ. Հայաստան- Թուրքիա կինոպլատֆորմը տեղի կունենա Երևանում հուլիսի 10-11-ը: Մասնագետների խումբը կընտրի 5 նախագիծ Հայաստանից և Թուրքիայից (կամ երկու երկրների սփյուռքից):
Աշխատարանի ավարտին լավագույն նախագիծը կարժանանա 7.000 եվրո մրցանակի:
Մասնակցության չափանիշներ և կանոնակարգ.
Մասնակցության ենթակա են կարճամետրաժ և վավերագրական ֆիլմերը
Նկարահանող խումբը պետք է ընդգրկի մասնագետների թե՛ Հայաստանից, թե՛ Թուրքիայից, ֆիլմը պետք է համատեղ արտադրություն լինի երկու երկրների միջև: Համատեղ արտադրության չափաբաժինների մանրամասներին ծանոթանալու համար այցելեք ծրագրի պաշտոնական կայքի Ֆիլմարտադրություն բաժինը:
ATCP-ն հոգալու է յուրաքանչյուր նախագծի միայն մեկ ներկայացուցչի (պրոդյուսեր/համա-պրոդյուսեր կամ ռեժիսոր) ճանապարհածախսը և կեցությունը Երևանում
Ծրագրի աշխատանքային լեզուն անգլերենն է: Ծրագրերի ներկայացման ժամանակ անհրաժեշտության դեպքում կարող է թարգմանիչ տրամադրվել, սակայն ընդհանուր աշխատարանը թարգմանությամբ չի ուղեկցվելու:
Մրցանակակիր ֆիլմի նկարահանումները պետք է ավարտված լինեն մինչև 2019-ի սեպտեմբեր
ATCP-ի մասնակից ֆիլմերը պետք է մակագրերում նշեն պլատֆորմում իրենց մասնակցության մասին
Դիմելու համար սեղմեք այստեղ:
Հայտերի ընդունման վերջնաժամկետը 2018թ. հունիսի 24-ն է:
Ընտրված նախագծերի հեղինակները կտեղեկացվեն 2018թ. hունիսի
30-ին:
Այս միջոցառումն իրականացվում է «Աջակցություն Հայաստան-Թուրքիա կարգավորման գործընթացին» ծրագրի շրջանակներում` Եվրոպական միության և Շվեդիայի արտաքին գործերի Նախարարություն ֆինանսական աջակցությամբ։
Այս ենթաբաժնի վերջին նորությունները
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։
«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Ermenihaber.am-ին տված հարցազրույցում Նուրհան Չեթինքայան հայտնել է, որ ըստ իրեն՝ հայ-թուրքական սահմանը կարող է բացվել մոտ մեկ-երկու տարուց։
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |