Քաղաքական10:02, 12 Հունիս 2018
Դեմիրթաշ. «Էրդողանն ասում է, որ եթե ընտրվի, ինձ մահապատժի կենթարկի»
Թուրքիայում քրդամետ «Ժողովուրդների դեմոկրատական կուսակցության» (HDP-ԺԴԿ) նախկին համանախագահ, հունիսի 24-ին սպասվող նախագահական ընտրություններում թեկնածու առաջադրված Սելահաթթին Դեմիրթաշը բանտից արձագանքել է Թուրքիայի նախագահ Ռեջեփ Թայիփ Էրդողանի հայտարարությանը:
Էրդողանը նախընտրական հանրահավաքներից մեկի ժամանակ Դեմիրթաշին մահապատժի ենթարկելու մասին ակնարկ էր արել:
Դեմիրթաշի արձագանքը եղել է հետևյալը. «Էրդողանն ասում է, որ եթե ընտրվի, ինձ մահապատժի կենթարկի: Տեսնում եք չէ՞ նախագահի թեկնածուն ինչպիսի խոստումներ է տալիս ընտրողներին: Դե ուրեմն ասեմ՝ հանուն մեր ժողովրդի ես պատրաստ եմ կյանքս զոհել հազար անգամ»:
Նշենք, որ Էրդողանը, որը նախագահի թեկնածու է առաջադրվել իշխող «Արդարություն և զարգացում» (AKP-ԱԶԿ) ու «Ազգայնական շարժում» (MHP-ԱՇԿ) կուսակցությունների ձևավորած «Հանրապետական դաշինքի» կողմից, Քոջաելիում ընտրողների հետ հանդիպման ժամանակ թիրախավորել է ԺԴԿ առաջնորդ Դեմիրթաշին:
Էրդողանի խոսքերից հետո բազմության մեջ Դեմիրթաշին մահապատժի ենթարկելու կոչեր են լսվել, ինչին ի պատասխան նա հայտնել է. «Արդեն ասել եմ, որ եթե խորհրդարանն այս մասին որոշումն ինձ ուղարկած լիներ, վաղուց այն հաստատել էի»:
Հիշեցնենք, որ Թուրքիայում մահապատիժը պաշտոնապես վերացվել է 2004 թվականին: Սակայն 2015թ հուլիսի 15-ին տեղի ունեցած ռազմական հեղաշրջման փորձից հետո, ԱԶԿ-ն և ԱՇԿ-ն բազմիցս կողմ են արտահայտվել մահապատժի վերականգմանը: Մասնվորապես, Էրդողանը հայտարարել էր, որ եթե Թուրքիայի խորհրդարանը նման որոշում կայացնի, ապա ինքը պատրաստ է դա վավերացնել:
Այս ենթաբաժնի վերջին նորությունները
Պաշտոնական աղբյուրներում ընդունելության օրակարգի և քննարկված հարցերի վերաբերյալ տեղեկություններ չեն հրապարակվել:
Ըստ Իմամօղլուի՝ աշխատավարձն այնքան քիչ է, որ նույնիսկ չի կարող բավարարել Ստամբուլում 1 ամսվա համար բնակարանի վարձավճար տալու համար:
«Pros&Cons» անվտանգության և ռիսկերի վերլուծական կենտրոնի տնօրեն, պրոֆեսոր Սերհաթ Էրքմենն անդրադարձել է Սիրիայում տիրող իրավիճակին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«TV100»-ի եթերում Թուրքիայի տրանսպորտի և ենթակառուցվածքի նախարարն անդրադարձել է այսպես կոչված «Զանգեզուրի միջանցքին»։
Հոդվածում նշվում է, որ «Gökçe» և «Gözde» հարվածային ԱԹՍ-ները կարող են ունենալ «Bayraktar»-ի նման հաջողություն։
Թուրքիայի «Asal» հետազոտական ընկերությունը տարեվերջին ընդառաջ սոցհարցման միջոցով փորձել է պարզել երկրում ամենամեծ խնդիրը:
մայիսի 12-ին Ստամբուլում Թուրքիայի նախագահական կորտեժի ուղղությամբ վիրավորանքներ էին հնչեցվել:
Ըստ Թուրքիայի էներգետիկայի նախարարի՝ Թուրքիան Սիրիային կմատակարարի էլեկտրաէներգիա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |