Թուրքիայում իշխող կուսակցության պատգամավորը փորձել է խեղդել ընդդիմադիր կուսակցության ներկայացուցչին

Հասարակական12:56, 13 Հունիս 2018

Թուրքիայում իշխող կուսակցության պատգամավորը փորձել է խեղդել ընդդիմադիր կուսակցության ներկայացուցչին

Թուրքիայում հունիսի 24-ին կայանալիք նախագահական և խորհրդարանական ընտրությունների քարոզարշավը անցնում է բավականին լարված մթնոլորտում:

Թուրքիայի Բուրդուրի նահանգում միջադեպ է տեղի ունեցել հիմնական մրցակից կուսակցությունների ներկայացուցիչների միջև: Իշխող «Արդարություն և զարգացում կուսակցության» (AKP-ԱԶԿ) պատգամավոր և ընտրություններում պատգամավորի թեկնածու Բայրամ Օզչելիքը փորձել է խեղդել գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) երիտասարդ անդամ Էրգյուն Էրդեմին:

Դեպքը տեղի է ունեցել ընդդիմադիր քեմալական կուսակցության գրասենյակում, ուր ԱԶԿ-ական թեկնածուն այցելել էր նախընտրական քարոզարշավի շրջանակներում: Կողմերի միջև վեճը, ըստ Օզչելիքի, ծագել էր այն բանից հետո, երբ ԺՀԿ-ի գրասենյակ մուտք գործելուց հետո Էրդեմը հրաժարվել էր սեղմել իր ձեռքը՝ ասելով, որ ահաբեկիչները և գյուլենականները չեն կարող մտնել ԺՀԿ-ի գրասենյակ: Վեճը դադարել էր միայն երրորդ կողմի միջամտության շնորհիվ:

Միջադեպից հետո Բուրդուրի նահանգապետ Հասան Շըլդաքը իր մոտ է հրավիրել նահանգում ԱԶԿ և ԺՀԿ ներկայացուցիչներին, ինչպես նաև վեճի մասնակիցներին: Հանդիպումից հետո Բայրամ Օզչելիքը ներողություն է խնդրել Էրգյուն Էրդեմից:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։