Թուրքիայում ամեն 4 երեխայից մեկն աղքատ է

Հասարակական07:10, 13 Հունիս 2018

Թուրքիայում ամեն 4 երեխայից մեկն աղքատ է

Տնտեսական համագործակցության և զարգացման կազմակերպության հրապարակած տվյալների համաձայն՝ Թուրքիայում յուրաքանչյուր 4 երեխայից մեկն աղքատ է։

Իսկ աշխատող երեխաների թիվը երկրում անցնում է երկու միլիոնը։ Աշխատող անչափահասների շուրջ 80 տոկոսը գրանցված չէ գործատուի կողմից և զրկված է սոցիալական ապահովագրությունից։

Թուրքիայում աշխատող երեխաների շուրջ 30 տոկոսը ներգրավված է գյուղատնտեսական աշխատանքների մեջ, 40 տոկոսը՝ սպասարկման ոլորտում, 27 տոկոսը՝ արդյունաբերության ոլորտում։ Մասնավորապես գյուղատնտեսական աշխատանքներին մասնակցող երեխաների նվազագույն տարիքը հասնում է մինչև 6 տարեկան, ինչը պայմանավորված է ընտանիքների ծայրահեղ չքավորությամբ։

Անօրինական աշխատանքի մեջ են ներգրավվում նաև երկրում ապաստանած սիրիացի և մյուս փախստականների երեխաները։ Երեխաների մասնակցությամբ արդյունաբերական վթարներում տուժած անչափահասների շուրջ 10 տոկոսը փախստականների երեխաներն են։ Ըստ վիճակագրության՝ վերջին 5 տարում Թուրքիայում արդյունաբերական վթարներին զոհ է գնացել 319 երեխա։

Աղբյուր` Deutsche Welle

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։