Թուրքիայի ԵՄ-ի հարցերով նախարարը քննադատել է Ավստրիայի որոշումը

Քաղաքական10:59, 14 Հունիս 2018

Թուրքիայի ԵՄ-ի հարցերով նախարարը քննադատել է Ավստրիայի որոշումը

Թուրքիայի Եվրամիության հարցերով նախարար Օմեր Չելիքը մեկնաբանել է 7 մզկիթների փակման վերաբերյալ Ավստրիայի որոշումը։

Ըստ Չելիքի՝ Ավստիան Թուրքիա-Եվրամիություն հարաբերությունները վատթարացնելու դիրքորոշում է որդեգրել:

Չելիքի խոսքով Ավստրիայի վարչապետը դեռ ԱԳ նախարար եղած ժամանակներից այդպիսի ծրագրեր է ունեցել:

«Ծայրահեղ աջակողմյանների հետ դաշինք կազմելով՝ վարչապետ դարձավ: Նա եվրոպական արժեքների համար օղակը քաշած նռնակի նման վտանգավոր է: Իմաստ չենք գտնում հանդիպել նրան, քանի որ խոսելու ոչինչ չկա: Եվրոպայում այժմ ռասիզմը իր տեղը զիջել է իսլամաֆոբիային: Թուրքիային պատկանող մզկիթները կապ չունեն ծայրահեղականության հետ»- ասել է Թուրքիայի Եվրամիության հարցերով նախարարը:

Հիշեցնենք, որ Ավստրիայի կառավարությունը որոշում էր կայացրել երկրից վտարել Թուրքիայից ֆինանսավորվող 60 իմամների (մահմեդական հոգևորական) և փակել 7 մզկիթ։

Աղբյուր` Sozcu

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։