Թուրքիայի փոխվարչապետ. «Վաղը առաջին F-35-երը կհանձնվեն մեզ»

Քաղաքական12:52, 20 Հունիս 2018

Թուրքիայի փոխվարչապետ. «Վաղը առաջին F-35-երը կհանձնվեն մեզ»

Թուրքիայի փոխվարչապետ և կառավարության խոսնակ Բեքիր Բոզդաղն արձագանքել է ԱՄՆ-ի սենատի կողմից Թուրքիայի դեմ պատժամիջոցներ սահմանող օրինագծի վավերացմանը:

Օրինագծով պահանջվում էր Թուրքիային չմատակարարել նոր սերնդի F-35 ռազմական ինքնաթիռները: Ըստ թուրք-ամերիկյան պայմանագրի` հունիսի 21-ին Թուրքիային պետք է հանձնվի այդ ինքնաթիռների առաջին խմբաքանակը:

«Նախագծի շրջանակներում Թուրքիայի համար արտադրվող այդ ինքնաթիռների հետ կապված անհրաժեշտ քայլերը իրականացվել են: Վաղն առաջին F-35-երը կհանձնվեն մեզ»,- ասել է Բոզդաղը:

Նա նաև անհիմն է համարել այն փաստը, որ օրինագծում ընդգծվել է գյուլենական համայնքի հետ կապ ունենալու մեղադրանքով Թուրքիայում կալանավորված ամերիկացի հոգևորական Էնդրյու Բրունսոնի ազատ արձակման կարևորությունը:

Նրա խոսքերով՝ Բրունսոնի ազատ արձակումը չպետք է Թուրքիային ներկայացվի որպես պայման:

Աղբյուր` Haberdar

Այս ենթաբաժնի վերջին նորությունները

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։